22.12.2024 | 22:00
Ինքնաթիռի կործանում Բրազիլիայում․ կան զոհեր և տուժածներ
Անդրանիկ Քոչարյանին ԱԺ պաշտպանության և անվտանգության հարցերի հանձնաժողովից հեռացնելու հարց է քննարկվում
Քաղաքականություն
29.10.2024 | 13:29
Իշխող «Քաղաքացիական պայմանագիր» կուսակցությունը Անդրանիկ Քոչարյանին ԱԺ պաշտպանության և անվտանգության հարցերի հանձնաժողովից հեռացնելու հարց է քննարկում։ Factor.am-ին ՔՊ-ի աղբյուրները հայտնեցին, որ Քոչարյանը խնդիրներ ունի ՔՊ թիմի որոշ անդամների՝ Սիսակ Գաբրիելյանի, Տիգրան Ավինյանի, Արմեն Փամբուխչյանի և Փաշինյանի աներորդի Հրաչ Հակոբյանի հետ։
Քոչարյանը նրանց մասին որոշակի հայտարարություններ է արել, որոնք հարուցել են նշյալ ՔՊ-ականների զայրույթը։ Հրաչ Հակոբյանի հետ կապված, օրինակ, Անդրանիկ Քոչարյանը մեղադրանք է հնչեցրել, երբ նա առաջարկել է արդարադատության նախարարի պաշտոնում քննարկել Սիսակ Գաբրիելյանի թեկնածությունը։
ՔՊ թիմի այս անդամները հարց են բարձրացրել կուսակցության նիստում քննարկելու Անդրանիկ Քոչարյանի հարցը։ Երեկ պետք է ՔՊ նիստ լիներ Նիկոլ Փաշինյանի մասնակցությամբ, սակայն այն չի կայացել, քանի որ Անդրանիկ Քոչարյանը, ըստ մեր աղբյուրների, երկարաձգել է հանձնաժողովի նիստը։ Անդրանիկ Քոչարյանի հետ կապված ծավալուն քննարկում է եղել ՔՊ վարչության նախորդ նիստում։ Այս հարցն առաջիկայում քննարկվելու է նաև ՔՊ վարչության նիստում։
Նարեկ Կիրակոսյան
