14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ԱՄՆ-ը, Ֆրանսիան և Հայաստանը Հնդկաստանից զենքի գլխավոր երեք գնորդներն են
Քաղաքականություն
28.10.2024 | 14:05
Հնդկաստանում հայրենական ռազմարդյունաբերական արտադրանքի արտահանումը խթանելու աճող ջանքերի ֆոնին ԱՄՆ-ը, Ֆրանսիան և Հայաստանը դարձել են հնդկական պաշտպանական արտադրանքի երեք խոշորագույն գնորդները, գրում է The Times of India-ն՝ վկայակոչելով աղբյուրներին։
«Հնդկաստանը ներկայում ռազմական տեխնիկա է արտահանում աշխարհի ավելի քան 100 երկիր: Վերջին ֆինանսական տարվա առաջին երեք երկրներն են ԱՄՆ-ը, Ֆրանսիան և Հայաստանը»,- հայտնել են պաշտոնական աղբյուրները:
Ըստ նրանց՝ դեպի ԱՄՆ արտահանումը ներառում է զգալի թվով ինքնաթիռների և ուղղաթիռների բաղադրամասեր, որոնք արտադրվում են հնդկական ընկերությունների կողմից համաշխարհային պաշտպանական հսկաների համար, ինչպիսիք են Lockheed Martin-ը և Boeing-ը:
Ֆրանսիա արտահանումը ներառում է մեծ թվով ծրագրային ապահովման և էլեկտրոնային սարքավորումներ, մինչդեռ Հայաստան արտահանումը ներառում է ATAGS հրետանային համակարգեր, Pinaka բազմափող հրթիռային համակարգեր, Swathi զենքի տեղորոշման ռադարներ և այլ կարևոր համակարգեր:
Աղբյուրները նշել են, որ երկրում պաշտպանական արտադրության արժեքը զգալիորեն աճել է 2014-2015 թվականներից ի վեր:
Թարգմանությունը՝ Էմմա Չոբանյանի
