26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Աննա Հակոբյանը՝ Գագիկ Խաչատրյանի ընտանիքին պատկանող սրճարանում
Քաղաքականություն
25.10.2024 | 12:25
ՀՀ վարչապետի տիկին Աննա Հակոբյանը ֆեյսբուքյան էջում «Աշխատանքային առօրյա» վերտառությամբ կարճ տեսանյութ է հրապարակել։ Այս տեսանյութում նա գրասենյակից ուղևորվում է PAUL սրճարան։ Factor.am-ի ուսումնասիրությունը ուշագրավ փաստ է բացահայտում․ պարզվում է՝ վարչապետի տիկինը չի խորշում լինել, Փաշինյանի բառապաշարով ասած, «նախկիններին» պատկանող ժամանցի վայրում։
Այս սրճարանը պատկանում է ֆինանսների նախկին նախարար ու ՊԵԿ նախկին նախագահ Գագիկ Խաչատրյանի ընտանիքին։ Ուշադրության է արժանի այն հանգամանքը, որ Փաշինյանի տիկնոջ հրապարակած տեսանյութում հատուկ ցուցադրվում է սրճարանի շենքի ճակատային մասը, որտեղ մեծ տառերով գրված է՝ PAUL։ Այս սրճարանն ընդգրկված է Խաչատրյաններին պատկանող «Գալաքսի» ընկերություների խմբում։
Հիշեցնենք՝ «սուպերնախարար» Գագիկ Խաչատրյանը, որդիները, եղբորորդին անցնում են մի շարք քրեական գործերով՝ այդ թվում, նաև ապօրինի ծագում ունեցող գույքի բռնագանձման գործընթացով։ Իրավապահները Խաչատրյանին մեղադրում են չարաշահման, վատնում կատարելու, փողերի լվացմանն օժանդակելու, պաշտոնեական լիազորությունները չարաշահելու, կաշառք ստանալու, պաշտոնեական կեղծիքներ կատարելու համար։ Խաչատրյանի գործողությունների հետևանքով պետությանը պատճառված վնասը և կաշառքի չափը, ըստ այս գործերի, կազմում է ավելի քան 41 միլիոն դոլար։
Նարեկ Կիրակոսյան
Նարեկ Կիրակոսյան
