18.09.2026 | 16:40
Զելենսկին հայտարարել է «Կարպատյան ութնյակի» ստեղծման մասին
Իմ գործունեության ընթացքում երբեք շոու չեմ արել. Վալերի Օսիպյանը մանրամասներ ներկայացրեց վարչապետի՝ ռեյդեր անցկացնելու հանձնարարականից. ՏԵՍԱՆՅՈՒԹ
Հասարակություն
14.09.2018 | 12:58
Վարչապետ Նիկոլ Փաշինյանը մինչ այս պահը որևէ անօրինական հանձնարարական չի տվել: Այս մասին այսօր կառավարության նիստից հետո լրագրողների հետ ճեպազրույցում հայտարարեց Հայաստանի ոստիկանապետ Վալերի Օսիպյանը՝ անդրադառնալով օրեր առաջ վարչապետի կողմից ոստիկանությանն ու ԱԱԾ-ին տրված՝ «ռեյդեր» անցկացնելու հանձնարարականին:
Հստակեցնող հարցին, թե երկու ժամվա ընթացքում ոստիկանությունն ի՞նչ արդյունքներ է գրանցել, ոստիկնապետը պատասխանեց. «Արդյունքներ միշտ էլ կան, մեր առօրյայում էլ ունենք արդյունքներ, և այնպես չէ, որ ամեն ինչ պետք է լուսաբանենք, կան, որ չենք լուսաբանում»։
Factor.am-ի հարցին՝ այսինքն վարչապետին զեկուցե՞լ է արդյունքների մասին, սակայն չի՞ հանրայնացնում, Օսիպյանն ասաց, որ այո:
Օսիպյանը վստահեցրեց՝ ոստիկանությունը մշտապես ստանում է օպերատիվ տեղեկություններ, որոնք ենթակա չեն հրապարակման։
«Ստուգում ենք այդ ամենի օրինական լինելը։ Ոստիկանությունը ոչ թե հաճույք է ստանում ամեն մի քաղաքացու գետնին, մեքենային պառկեցնելով կամ դեմ տալով պատին, ոչ, հաճույք չենք ստանում, դա օրինական գործընթաց է և պայմանավորված է նրանով, որ տվյալ անձանց մոտ լինում են զենքեր: Զինված քաղաքացին մշտապես համարվում է վտանգ, այդ թվում՝ իրավապահների համար», – շարունակեց Օսիպյանը։
Մանրամասները՝ տեսանյութում:
