06.10.2026 | 22:00
Ինչո՞ւ ՌԴ-ն չօգնեց ՀՀ-ին, ի՞նչ եղավ Արցախի հետ․ զրույց Արմեն Գրիգորյանի հետ՝ պաշտոնը թողնելուց հետո․ ՏԵՍՆՅՈՒԹ
Պապոյանը՝ ՔՊ ցուցակի նախկին թեկնածուին Քոչարյանի գործով դատավոր նշանակելու մասին․ ՏԵՍԱՆՅՈՒԹ
Քաղաքականություն
24.10.2024 | 13:57
«Թեկնածուները շատ են։ Շատ արժանավորներ կային, որոնք շատ լավ կկարողանային ղեկավարել Արդարադատության նախարարությունը, բայց տարբեր պատճառներով հրաժարվել են»,- լրագրողների հետ զրույցում ասաց Էկոնոմիկայի նախարար Գևորգ Պապոյանը՝ անդրադառնալով ՔՊ վարչության նիստում նախարարի թեկնածուներից որևէ մեկի չհաստատման թեմային:
«Միշտ էլ կա կադրերի սղության խնդիր, բայց նաև կան թիմից բազմաթիվ գործընկերներ, որոնք լավ կղեկավարեին, սակայն իրենց ընթացիկ աշխատանքով պայմանավորված՝ հրաժարվեցին։ Քաղաքական թիմից կլինի, միգուցե, ոչ կուսակցությունից, բայց թիմից կլինի: Չեմ կարող մեկնաբանել, թե ինչու են հրաժարվել: Կառավարությունում աշխատանքը, բնականաբար, դժվար է: Ես, լինելով ԱԺ նախկին պատգամավոր և հիմա գործադիրի անդամ, փաստում եմ, որ աշխատանքը դժվար է գործադիրում, բայց միևնույն ժամանակ՝ ավելի հետաքրքիր»,- ասաց նա:
Անդրադառնալով Գրիգոր Մինասյանին՝ Պապոյանը նշեց, որ Մինասյանն ինքն է հրաժարականի դիմում ներկայացրել:
ՔՊ վարչության փոխնախագահ Պապոյանը անդրադարձավ նաև ՔՊ ցուցակով պատգամավոր առաջադրված Սարգիս Պետրոսյանին, որն այժմ Հակակոռուպցիոն դատարանի դատավոր է և քննում է Ռոբերտ Քոչարյանի և մյուսների գործը։ Բարձրաստիճան պաշտոնյան դժավարացավ ասել՝ դա խախտում է, թե՝ ոչ։
Մանրամասները՝ տեսանյութում։
