04.06.2026 | 19:11
Գալուզին․ Ռուսաստանը պատրաստ է հարթակ տրամադրել Բաքվին և Երևանին՝ խաղաղության պայմանագրի կնքման համար
Հաջորդ տարի կստեղծվի ոստիկանության գվարդիա. ԱԺ-ն ընդունեց օրինագիծը
Քաղաքականություն
24.10.2024 | 12:19
Հայաստանում կստեղծվի ոստիկանության գվարդիա։ Խորհրդարանը ոստիկանական գվարդիայի ձևավորման մասին օրինագիծն ընդունեց 65 կողմ, 28 դեմ ձայներով։
Նախատեսվում է, որ գվարդիան կձևավորվի 2025 թվականի նոյեմբերի 1-ին։
Նոր սպառազինությամբ ու վերապատրաստված անձնակազմով ոստիկանության կառուցվածքային ստորաբաժանմանը կվերապահվեն հասարակական կարգի պահպանության և հասարակական անվտանգության ապահովման, պետական շենքերի և կարևորագույն օբյեկտների պահպանության, պետական արարողակարգով նախատեսված պատվիրակությունների ուղեկցման, ինչպես նաև ռազմական և արտակարգ դրության իրավական ռեժիմի ապահովման ու այլ գործառույթներ:
Օրինագծի քննարկման ժամանակ Ներքին գործերի փոխնախարար Արփինե Սարգսյանը նշել էր, որ անհրաժեշտության դեպքում ոստիկանության գվարդիան ռազմական դրություն հայտարարված տարածքում հատուկ առաջադրանքներ կարող է ստանալ ու կատարել: Նա նաև հայտնել էր, որ պահպանվել է ոստիկանության տարբեր կառուցվածքային միավորների շրջանակում առկա հրամանատարական շղթան։
