04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Արթուր Բաղդասարյանը և նրա ընտանիքը հրավիրվել են Դատախազություն
Հասարակություն
22.10.2024 | 10:43
Ազգային ժողովի նախկին նախագահ, «Օրինաց երկիր» կուսակցության ղեկավար Արթուր Բաղդասարյանը, որդին՝ Վահան Բաղդասարյանը և նրա հետ փոխկապակցված ևս երկու անձ հրավիրվել են Գլխավոր դատախազության ապօրինի ծագում ունեցող գույքի բռնագանձման գործերով վարչություն։ Այս մասին Factor․am-ը տեղեկանում է «Ազդարար» պաշտոնական հայտարարությունների կայքէջից։
«Արթուր Բաղդասարյանին պատկանող գույքի առնչությամբ իրականացվում է ուսումնասիրություն, որի արդյունքում կազմվել է ամփոփագիր, ինչի հիման վրա հաշվառված գույքը հանդիսանում է բռնագանձման առարկա»,- նշվում հայտարարության մեջ։
Ըստ ծանուցագրի՝ Բաղդասարյանը և նրա ընտանիքը վարչություն պետք է ներկայանան հոկտեմբերի 29-ին՝ ժամը 14:30-ին, իսկ նշված օրը և ժամին ներկայանալու անհնարինության դեպքում՝ մեկ ամսվա ընթացքում, հարկավոր է օրը և ժամը համաձայնեցնել։
