06.10.2026 | 22:54
Հայաստանի մի շարք հասցեներում էլեկտրաէներգիայի անջատումներ կլինեն
Վարչապետի աշխատակազմը չի պատասխանում, թե Պուտինն ու Փաշինյանն ինչ կոնկրետ պայմանավորվածություններ են ձեռք բերել էներգետիկ և կրթական ոլորտներում
Քաղաքականություն
16.10.2024 | 10:30
ՀՀ վարչապետի աշխատակազմը չի պատասխանում հարցին՝ թե հոկտեմբերի 8-ին Մոսկվայում Պուտին-Փաշինյան հանդիպման ընթացքում էներգետիկ, կրթական և հումանիտար ոլորտներին վերաբերող կոնկրետ ինչ պայմանավորվածություններ են ձեռք բերվել։
Factor.am-ի գրավոր հարցմանն ի պատասխան վարչապետի աշխատակազմից նշել են․
«Վարչապետի մամուլի քարտուղարի հրապարակմանն ավելացնելու ոչինչ չունենք»։
Հիշեցնենք, որ հոկտեմբերի 8-ին Կրեմլում տեղի էր ունեցել Պուտին- Փաշինյան հանդիպումը։
ՀՀ վարչապետ Նիկոլ Փաշինյանի մամուլի քարտուղար Նազելի Բաղդասարյանը ֆեյսբուքի իր էջում մանրամասներ էր հայտնել հանդիպումից՝ տեղեկացնելով, որ Պուտինն ու Փաշինյանը քննարկել են հարցերի լայն շրջանակ, ձեռք են բերվել էներգետիկ, կրթական, հումանիտար ոլորտներին վերաբերող կոնկրետ պայմանավորվածություններ։
Հիշեցնենք՝ այս հանդիպմանը համաձայնություն է ձեռք բերվել նաև այն մասին, որ 2025 թվականի հունվարի 1-ից Հայաստան-Իրան և Հայաստան-Թուրքիա պետական սահմանի պահպանությանը կմասնակցեն նաև ՀՀ ԱԱԾ Սահմանապահ զորքերը, իսկ Հայաստան-Իրան պետական սահմանի հսկիչ-սահմանային կետում ծառայությունն ամբողջությամբ կիրականացվի ՀՀ ԱԱԾ Սահմանապահ զորքերի ուժերով։
Մանյա Պողոսյան
