19.09.2026 | 01:11
ԱԺ պատգամավորներին Անկախության 35-ամյակի առթիվ պարգևավճարներ կտրվեն․ «Ուժեղ Հայաստանի» ներկայացուցիչները կհրաժարվեն դրանցից
Արարատ Միրզոյանը Ստամբուլում կմասնակցի «3+3» ձևաչափով հանդիպմանը
Քաղաքականություն
15.10.2024 | 16:53
ՀՀ ԱԳ նախարար Արարատ Միրզոյանը կմասնակցի «3+3» տարածաշրջանային խորհրդատվական հարթակի երրորդ հանդիպմանը: Տեղեկությունը Factor.am-ին հայտնեց ՀՀ ԱԳՆ մամուլի խոսնակ Անի Բադալյանը։
Ավելի վաղ Թուրքիայի ԱԳ նախարար Հաքան Ֆիդանը Հորդանանի իր գործընկերոջ հետ ասուլիսում խոսել էր «3+3» ձևաչափով սպասվող հանդիպումից։
«Հոկտեմբերի 18-ին Ստամբուլում մենք կանցկացնենք այդ հարթակի երրորդ հանդիպումը, որն ուղղված է Հարավային Կովկասում խաղաղությանը, կայունությանը և համագործակցությանը։ Մեզ հետ հանդիպմանը ներկա կլինեն նաև Ադրբեջանի, Հայաստանի, Իրանի և Ռուսաստանի արտգործնախարարները»,- ասել էր Թուրքիայի ԱԳ նախարարը։
Ռուսական կողմը ևս հաստատել է արտգործնախարար Սերգեյ Լավրովի մասնակցությունը «3+3» ձևաչափով հանդիպմանը։ Ավելի վաղ իրանական կողմն էլ հաղորդել էր Իրանի արտգործնախարար Աբբաս Արաղչին մասնակցության մասին։
