15.10.2024 | 23:30
Մենք կշարունակենք անխոնջ պայքարել այնքան ժամանակ, մինչև չստեղծվի անկախ և ինքնիշխան Պաղեստին պետություն․ Էրդողան
Թուրքիայի ԱԳ նախարարը հայտնել է, որ Ստամբուլում հոկտեմբերի 18-ին տեղի կունենա «3+3» ձևաչափով հանդիպումը
Քաղաքականություն
15.10.2024 | 15:44
Թուրքիայի ԱԳ նախարար Հաքան Ֆիդանը Հորդանանի իր գործընկերոջ հետ ասուլիսում խոսել է «3+3» ձևաչափով սպասվող հանդիպումից։ «Ինչպես Պաղեստինի հարցով կապի մեջ ենք Հորդանանի և Մերձավոր Արևելքի այլ երկրների հետ, այնպես էլ Հարավային Կովկասի տարածաշրջանային համագործակցության հարթակի միջոցով շարունակում ենք մեր խորհրդակցությունները տարածաշրջանի երկրների հետ Կովկասի վերաբերյալ»,- հայտարարել է Ֆիդանը։
«Հոկտեմբերի 18-ին Ստամբուլում մենք կանցկացնենք այդ հարթակի երրորդ հանդիպումը, որն ուղղված է Հարավային Կովկասում խաղաղությանը, կայունությանը և համագործակցությանը։ Մեզ հետ հանդիպմանը ներկա կլինեն նաև Ադրբեջանի, Հայաստանի, Իրանի և Ռուսաստանի արտգործնախարարները»,- ասել է Թուրքիայի ԱԳ նախարարը։
ՀՀ ԱԳՆ մամուլի խոսնակ Անի Բադալյանը Factor․am-ի հարցին ի պատասխան ո՛չ հերքեց, ո՛չ հաստատեց հայկական կողմի մասնակցությունը, միայն նշեց՝ լրացուցիչ կտեղեկացնեն։
Էմմա Չոբանյան
