24.04.2026 | 19:17
Ըմբշամարտի ԵԱ. Թևանյանը և Խնձրցյանը կգոտեմարտեն բրոնզե մեդալի համար
Ֆլորիդայում մոլեգնում է «Միլթոն» փոթորիկը․ ՈՒՂԻՂ
Քաղաքականություն
10.10.2024 | 10:55
«Միլթոն» փոթորիկը հասել է Ֆլորիդայի արևմտյան ափին, հայտնում է ԱՄՆ փոթորիկների ազգային կենտրոնը։ Փոթորիկին տրվել է բարդության երրորդ կատեգորիա՝ քամու արագությունը հասել է ավելի քան 200 կմ/ժ-ի: Ողջ Ֆլորիդայում ավելի քան 2,6 միլիոն բնակիչ մնացել է առանց էլեկտրականության, այս մասին են վկայում poweroutage.us մոնիտորինգի ծառայության տվյալները։ Տամպայում, Սեյնթ Փիթերսբուրգում, Սարասոտայում և Ֆորտ Մայերսում ջրհեղեղի մասին նախազգուշացում է հայտարարվել, հաղորդսում է ABC News-ը։
Գործակալության տվյալներով՝ Ֆլորիդայի Սենթ Լյուսի շրջանի շերիֆը հայտնել է մահվան դեպքերի մասին՝ սակայն չնշելով զոհերի թիվը։ Պորտ Սալեռնոյի հրշեջ ծառայությունից հայտնել են, որ վնասվել են տասնյակ տներ։
Սպիտակ տունը հայտնել է, որ ԱՄՆ նախագահ Ջո Բայդենը «կշարունակի թարմացումներ ստանալ իր թիմից ողջ գիշեր»։
Միլթոնը 2005 թվականից ի վեր ամենախոշոր փոթորիկն է, որը հարվածել է Մեքսիկական ծոցին: Ֆլորիդայի ավելի քան 5,5 միլիոն բնակիչների տարհանման պարտադիր կամ խորհրդատվական ահազանգեր են ուղարկվել: Տարհանումն ամենամեծն էր նահանգի պատմության մեջ։
Թարգմանությունը՝ Տաթև Ֆռանգյանի
