28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
ԵնթաԴՐՈՒԹՅՈՒՆ. Ի՞նչ զարգացումներ են սպասվում, եթե ներքաղաքական լարվածությունն արագ չհանգուցալուծվի
Քաղաքականություն
12.09.2018 | 19:42
Հեղափոխությունից հետո նոր իշխանությունների սկսած պայքարը կոռուպցիայի դեմ, ինչպես նաև «Մարտի 1-ի գործի» բացահայտմանն ուղղված իրավապահների քայլերը Հայաստանում մթնոլորոտը թեժացրել են: Այն առավել ակնհայտ դարձավ նախօրեին, երբ համացանցում հայտնվեց Ազգային անվտանգության ծառայության տնօրենի և Հատուկ քննչական ծառայության պետի հեռախոսազրույցի ձայնագրությունը, որում լսվում էր, թե ինչպես են իրավապահ կառույցների երկու առանցքային դեմքերը քննարկում նախկին բարձրաստիճան պաշտոնյաների կալանավորման հարցը, մասնավորապես՝ Ռոբերտ Քոչարյանի, Յուրի Խաչատուրովի, Սեյրան Օհանյանի և այլոց:
Գաղտնալսումների հրապարակումից հետո ասուլիսով հանդես եկան ԱԱԾ տնօրեն Արթուր Վանեցյանն ու ՀՔԾ պետ Սասուն Խաչատրյանը՝ փորձելով պարզաբանել ստեղծված իրավիճակը: Ապա ավելի ուշ տեղի ունեցածին մանրամասն անդրադարձավ վարչապետ Նիկոլ Փաշինյանը՝ այն որակելով «դավադրություն և Հայաստանի Հանրապետության պետականության նկատմամբ հանցագործություն»:
Վարչապետը հանձնարարել է շատ սեղմ ժամկետներում բացահայտել գաղտնալսումները իրականացնողներին և ենթարկել ամենախիստ պատասխանատվության: Եթե վարչապետ Նիկոլ Փաշինյանին չհաջողվի արագ հանգուցալուծել տիրող լարված իրավիճակը, ապա ի՞նչ զարգացումներ են սպասվում երկրում:
