27.06.2026 | 17:51
Վարչապետն այցելել է «Կոնդ». դիտարկվել է թաղամասի քաղաքաշինական հայեցակարգի իրականացման հնարավորությունը
Լիլիթ Մակունցը մասնակցել է Սալենտոյի միջազգային 15-րդ կինոփառատոնի փակմանը
Մշակույթ
12.09.2018 | 15:30
ՀՀ մշակույթի նախարար Լիլիթ Մակունցը, հայ-իտալական մշակութային համագործակցության շրջանակում, Տրիկազեի քաղաքապետ Կարլո Չիուրիի և Սալենտոյի միջազգային կինոփառատոնի տնօրեն Լուիջի Կոմպանելլիի հրավերով սեպտեմբերի 8-10-ը գտնվում էր Իտալիայում՝ մասնակցելու Սալենտոյի միջազգային 15-րդ կինոփառատոնի փակման արարողությանը. տեղեկացնում է նախարարության լրատվական ծառայությունը:
Միջոցառման շրջանակում համերգային ծրագրով հանդես է եկել Հայաստանի «Նարեկացի» ժողովրդական գործիքների նվագախումբը՝ կոմպոզիտոր, թառահար, ՀՀ վաստակավոր արտիստ Արտեմ Խաչատուրի ղեկավարությամբ:
Իտալիա գործուղման ընթացքում Լիլիթ Մակունցը հանդիպել է տեղական ինքնակառավարման մարմինների, մշակույթի ոլորտը ներկայացնող մի շարք պաշտոնյաների, ինչպես նաև Իտալիայի հայ համայնքի ներկայացուցիչների հետ:
Քննարկվել են Հայաստան-Իտալիա մշակութային համագործակցությանն առնչվող հարցեր, ինչպես նաև Իտալիայում կայանալիք միջազգային փառատոններին հայաստանյան կոլեկտիվների և անհատ կատարողների մասնակցության հետ կապված խնդիրները:
