14.01.2026 | 11:30
ՀՀ իրավազորությունը սահմանային և մաքսային գործողությունների նկատմամբ անքննարկելի են․ ԱԳ նախարար․ ՏԵՍԱՆՅՈՒԹ
Վերականգնվել են այն չվերթները, որոնք չեղարկվել էին․ քաղավիացիա
04.10.2024 | 17:30
Qatar Airways ավիաընկերությունը վերականգնել է չվերթերը, այս մասին Factor.am-ին տեղեկացրեց Քաղաքացիական ավիացիայի կոմիտեի մամուլի քարտուղար Լիլիթ Աղաբեկյանը։
«Մեկ օր միայն թռիչք չի եղել, որից հետո բնականոն ավիաչվերթներն իրականացվել են։ Մեծ չեղարկումներ չեն եղել։ Իրան-Իսրայել դեպքերի ժամանակ մեծ չեղարկումներ չեն եղել։ Այս պահին էլ չվերթների չեղարկումներ չկան, ո՛չ Իրանից, ո՛չ Թել-Ավիվից»,- ասաց գերատեսչության մամուլի քարտուղարը։
Հիշեցնենք՝ Tasnim գործակալության հաղորդմամբ Իրանում բոլոր չվերթները չեղարկվել էին մինչև հոկտեմբերի 3-ի առավոտ։ Ինչ վերաբերվում է Իրանից դեպի Հայաստան չվերթներին, կոմիտեից նշեցին, որ չվերթներ եղել են, թեև իրանական կողմն էր հայտարարել, որ չեղարկվել են։ Այնուհետ Qatar Airways ավիաընկերությունն էր հայտարարել, որ անժամկետ չեղարկել է չվերթները բոլոր ուղղություններով, այդ թվում՝ դեպի Հայաստան։
Մանյա Պողոսյան
