14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
«Բարդիները ես էի տնկել»․ քաղաքացին 45 ծառ է կտրել. ՏԵՍԱՆՅՈՒԹ
Հասարակություն
03.10.2024 | 19:30
Դավթաշեն վարչական շրջանի Փիրումյան փողոցում դեռևս անհայտ հանգամանքներում քաղաքացին հատել է թվով 45 բարդի տեսակի ծառեր` հայտնել է Երևանի քաղաքապետի մամուլի քարտուղար Հայկ Կոստանյանը: Factor TV-ն եղել է դեպքի վայրում, արձանագրել հատված բարդիները։
Բարդիները տնկված են եղել պարսպի եզրով․ բնակիչներից մեկը, որ զրուցում էր տեղում աշխատող քննիչների հետ, Factor TV-ի հարցին ի պատասխան ասաց, որ իր բարդիներն են, ինքն է հատել։
Կապ չունի, թե ով է տնել՝ հակադարձում է «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը։
«Ցավոք սրտի, մեզ հաջողվել է փրկել ընդամենը երկու-երեք ծառ։ Քաղաքին հսկայական վնաս է պատճառվել, որ իր տան հարևանությամբ է՝ ոչինչ չի նշանակում։ Տարածքը համարվում է քաղաքային կանաչ տնկարկ և այդտեղ գործողություններ կատարելը անթույլատրելի է՝ առանց համաձայնեցնելու «Կանաչապատում և շրջակա միջավայրի պահպանություն» ՀՈԱԿ-ի հետ»,- ասաց Բեգոյանը։
Քաղաքապետարանից հայտնում են, որ երկու անձ տեղափոխվել է ոստիկանության բաժին:
Արփի Հակոբյան
