06.10.2026 | 19:00
Իրանը կխոչընդոտի «Թրամփի ուղուն», եթե ԱՄՆ-ն պարտադրի ՀՀ-ին՝ միանալ Թեհրանի դեմ պատժամիջոցներին. Արմեն Պետրոսյան․ ՏԵՍԱՆՅՈՒԹ
300 հազար ադրբեջանցի փախստականների վերադարձի մասին խաղաղության պայմանագրում կետ չկա. Կոստանյան․ ՏԵՍԱՆՅՈՒԹ
Քաղաքականություն
03.10.2024 | 13:31
Հայաստանի կառավարությունը մշտապես պատրաստ է և անկեղծորեն ցանկանում է, որ հարևանների հետ հարաբերությունները կարգավորվեն։ Ցավոք սրտի, դա միայն Հայաստանից կախված չէ։ Այս մասին լրագրողների հետ ճեպազրույցում ասաց ՀՀ արտաքին գործերի նախարարի տեղակալ Վահան Կոստանյանը։
«Բայց դա չի նշանակում, որ որևէ կետում մենք պետք է ընդհատենք կամ կասեցնենք բանակցությունները: Մենք շարունակում ենք դրականորեն ներգրավված մնալ այդ գործընթացում»,- ասաց նա:
Հարցին՝ կա՞ն արդյոք Հայաստանի համար կարմիր գծեր, օրինակ, ադրբեջանցի փախստականների վերադարձի հարցը ներառվա՞ծ է խաղաղության պայմանագրում, Կոստանյանը վստահեցրեց, որ ներառված չէ:
«Բոլորդ տեսնում եք այն հայտարարությունները, որոնք հնչում են Ադրբեջանի կողմից և տարբեր հարթակներից են հնչում: Մենք, ըստ անհրաժեշտության, դրանց պատասխանում ենք թե՛ հանրային կերպով, թե՛ այլ ձևաչափերով»,- ասաց Վահան Կոստանյանը։
Մանրամասները՝ տեսանյութում։
