02.11.2024 | 12:34
Հայաստանը Չեխիայում ռազմական կցորդ ունի
ԱԱԾ տնօրենի և ՀՔԾ պետի խոսակցության գաղտնալսումը մեզ ձեռնտու տարբերակ չէր․ Վահրամ Բաղդասարյան․ ՏԵՍԱՆՅՈՒԹ
Քաղաքականություն
12.09.2018 | 12:26
Եթե մեկն օրենքի սահմաններից դուրս ինչ-որ գործողություններ է կատարում, բնականաբար, պետք է պատասխանատվություն կրի։ Այս մասին այսօր Ազգային ժողովում լրագրողների հետ զրույցում ասաց ԱԺ ՀՀԿ խմբակցության ղեկավար Վահրամ Բաղդասարյանը։
«Շատ բարդ է իմանալ, թե ու՞մ էր ձեռնտու նման գաղտնալսումը, համենայն դեպս, մեզ համար դա ձեռնտու տարբերակ չէր։ Կարծում եմ՝ պետք չէ հանիրավի անուններ շոշափել՝ առանցի հիմքեր ունենալու, չեմ ցանկանա նման հնչեղություն ունեցող հարցի շուրջ ենթադրություններ անել»,- ասաց Վահրամ Բաղդասարյանը։
Անդրադառնալով վարչապետ Նիկոլ Փաշինյանի՝ օլիգարխների թիկնազորների անդամներին ասֆալտին պառկեցնելու վերաբերյալ հրահանգին՝ ԱԺ ՀՀԿ խմբակցության ղեկավարը նշեց․ «Ես չէի ցանկանա, որ իմ երկրի վարչապետը նման տոնով և նման ոճով խոսեր ժողովրդի հետ։ Իսկ ինչ վերաբերում է գումարներ առգրավելուն՝ հայտարարություններով կամ նման ձևերով գումարներ չեն առգրավվում, դրա համար կա դատարան»։
Վահրամ Բաղդասարյանն անթույլատերլի համարեց նաև Նիկոլ Փաշինյանի հայտարարությունը, որը վերաբերում է Ռոբերտ Քոչարյանի և Ալիևի միջև հնարավոր պայմանավորվածությանը։ «Նման հայտարարությունները պարզապես անթույլատրելի են։ Դա հասարակական կարծիքի ձևավորման ցանկություն է, որն անթույլատրելի է։ Տհաճ է, որ նման ձևերով հանրությանը տրամադրում ենք իրար դեմ։ Մենք պետք է օգնենք վարչապետին, որ այս իրավիճակն ավելի հանգիստ և հանդարտ հունով գնա»,- ասաց նա։
Մանրամասները՝ տեսանյութում:
