06.10.2026 | 22:00
Ինչո՞ւ ՌԴ-ն չօգնեց ՀՀ-ին, ի՞նչ եղավ Արցախի հետ․ զրույց Արմեն Գրիգորյանի հետ՝ պաշտոնը թողնելուց հետո․ ՏԵՍՆՅՈՒԹ
Հայ հասարակության մեջ մեծ հիասթափություն կա Ռուսաստանի նկատմամբ. Միրզոյան․ ՏԵՍԱՆՅՈՒԹ
Քաղաքականություն
02.10.2024 | 17:13
Գաղտնիք չէ, որ մեր հասարակությունում մեծ հիասթափություն կա Ռուսաստանի, ՌԴ-ի օգնության ու որպես դաշնակից պահվածքի նկատմամբ։ Այս մասին հայտարարել է ՀՀ ԱԳ նախարար Արարատ Միրզոյանը Վարշավայի անվտանգության միջազգային համաժողովի ժամանակ ունեցած ելույթում։
«Քանի որ տասնամյակներով հայ ժողովուրդը կարծել է, որ եթե մի բան տեղի ունենա, Ռուսաստանը կպաշտպանի մեզ, ուստի հիմա Հայաստանի ժողովուրդը տեսավ, որ դա այդպես չէ։ Մենք օգնություն չենք ստացել, ավելին՝ 2020 թվականի պատերազմից հետո ռուս խաղաղապահներն ուղարկվեցին ԼՂ՝ բնակչության անվտանգությունն ապահովելու համար։ Բռնի տեղահանման ընթացքում խաղաղապահ առաքելությունը չաշխատեց։ ՀԱՊԿ-ի ֆորմալ անդամ ենք Ռուսաստանի և այլ երկրների հետ։ Երբ հարձակման ենթարկվեցին մեր միջազգային ճանաչված սահմանները, կրկին տեսանք՝ ո՛չ Ռուսաստանը, ո՛չ ՀԱՊԿ-ի մեր ֆորմալ դաշնակիցները չարձագանքեցին։ Առնվազն նրանց արձագանքը չէր համապաստխանում մեր ակնկալիքներին։ Սա ստեղծել է մեծ հիասթափություն»,- ասել է Միրզոյանը։
Նա հավելել է, որ հիմա հայ ժողովուրդը դիտարկում է այլ հնարավորություններ։
«Ինչպես ասացի՝ թեման կապված է ժողովրդավարության հետ։ Մենք հավատում ենք ժողովրդավարությանը, և դա մեզ մոտեցնում է ԵՄ-ին ու ԱՄՆ-ին։ Հասարակության արժեքների համատեքստում մենք մոտ էինք ԵՄ-ին, արևմտյան պետություններին, բայց անվտանգության տեսակետից Հայաստանի ժողովուրդը հոգեբանորեն իրեն կապում էր ՌԴ-ի հետ։ Հիմա երկրորդ կոմպոնենտը կոտրվել է, և մարդիկ այլ պատճառ չեն տեսնում՝ իրենց ամբողջովին ԵՄ-ին չկապելու»,-հայտարարել է ՀՀ ԱԳ նախարարը։
Մանրամասները՝ տեսանյութում։
