14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Իսրայելական բանակը հայտարարել է Իրանից հրթիռների արձակման մասին․ ՏԵՍԱՆՅՈՒԹ
Քաղաքականություն
01.10.2024 | 21:07
Իսրայելի պաշտպանության բանակը հայտնել է Իրանից հրթիռների արձակման մասին։
«Որոշ ժամանակ առաջ Իրանից հրթիռներ են արձակվել Իսրայելի ուղղությամբ։ Ձեզ հրամայված է մնալ զգոն և խստորեն հետևել հրամանատարության հրահանգներին: Իսրայելի պաշտպանության բանակն անում է և կանի անհրաժեշտ ամեն ինչ` Իսրայել պետության խաղաղ բնակիչներին պաշտպանելու համար»,- ասվում է Իսրայելի պաշտպանության բանակի Telegram ալիքում հրապարակված հաղորդագրությունում։
Հրեական պետության ամբողջ տարածքում օդային տագնապի ազդանշաններ են հնչել։
Bild-ի ռուսական ծառայության փոխանցմամբ՝ Իրանը, հնարավոր է, ավելի քան 100 հրթիռ է արձակել Իսրայելի ուղղությամբ, այդ թվում՝ բալիստիկ հրթիռներ։ Հաղորդվում է, որ Թել Ավիվում հզոր պայթյուններ են լսվում։
Երեքշաբթի ավելի վաղ ԱՄՆ նախագահի աշխատակազմի ներկայացուցիչը մամուլին անանունության պայմանով ասել էր, որ ԱՄՆ-ի ունեցած տեղեկությունների համաձայն՝ Իրանը պատրաստվում է մոտ ժամանակներս բալիստիկ հրթիռներով հարձակվել Իսրայելի վրա:
«Միացյալ Նահանգները տեղեկություն ունի, որը ցույց է տալիս, որ Իրանը պատրաստվում է մոտ ժամանակներս բալիստիկ հրթիռներով հարձակվել Իսրայելի վրա։ Իսրայելի վրա Իրանի ուղղակի զինված հարձակումը լրջագույն հետևանքներ կունենա Իրանի համար»,- պաշտոնյայի խոսքերն է մեջբերել CBS հեռուստաընկերությունը:
Թարգմանությունը՝ Տաթև Ֆռանգյանի
