07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Վրաստանը ՌԴ-ին առաջարկել է քայլեր ձեռնարկել Աբխազիայի և Հարավային Օսիայի հետ հարաբերությունները բարելավելու համար
Քաղաքականություն
30.09.2024 | 12:21
Վրաստանի իշխանությունները ՌԴ ԱԳ նախարար Սերգեյ Լավրովի՝ Աբխազիայի ու Հարավային Օսիայի հետ հարաբերությունները հարթելու հարցում օգնության պատրաստակամության մասին հայտարարությունից հետո Ռուսաստանին առաջարկել են անցնել կոնկրետ քայլերի։ Այս մասին հայտնել է «Վրացական երազանք» կուսակցության գլխավոր քարտուղար, Թբիլիսիի քաղաքապետ Կախա Կալաձեն, փոխացնում է Գրուզիա օնլայնը։
«Ես կասեի, որ նման հայտարարությունից հետո լավ կլիներ անցնել գործուն քայլերի»,- ասել է նա։
Կալաձեն, մասնավորապես, առաջարկել է սկսել Աբխազիայից և Հարավային Օսիայից ռուս զինվորականների դուրսբերման պլանի մշակումը։
Նա նաև նշել է, որ Վրաստանը դրական է գնահատում Լավրովի հայտարարությունը Աբխազիայի և Հարավային Օսիայի հետ հարաբերությունների բարելավման հարցում Թբիլիսիին աջակցելու՝ Մոսկվայի պատրաստակամության մասին։
Լավրովը սեպտեմբերի 28-ին ՄԱԿ-ի Գլխավոր վեհաժողովի 79-րդ նստաշրջանի արդյունքներով տված մամլո ասուլիսի ժամանակ հայտարարել էր, որ ՌԴ-ն պատրաստ է աջակցել Վրաստանի, Աբխազիայի ու Հարավային Օսիայի միջև խաղաղության ձեռքբերմանը, եթե կողմերը հետաքրքրություն դրսևորեն։ Նրա խոսքով՝ վրացական գործող իշխանություններն ազնվորեն են գնահատում անցյալը։
Թարգմանությունը՝ Տաթև Ֆռանգյանի
