14.12.2024 | 15:31
Ավազակային հարձակում, սպանություն և սպանության փորձ կատարած ոստիկանության գնդապետը ցմահ ազատազրկվեց. Գլխավոր դատախազություն
ՔՊ-ում ստորագրահավաք է սկսվել Գրիգոր Մինասյանի պաշտոնավորման նպատակահարմարության հետ կապված․ Հովիկ Աղազարյան
Քաղաքականություն
25.09.2024 | 15:39
Ազգային ժողովի «Քաղաքացիական պայմանագիր» խմբակցության որոշ պատգամավորներ նախաձեռնել են ստորագրահավաք արդարադատության նախարար Գրիգոր Մինասյանի պաշտոնավորման նպատակահարմարության հարցը քննարկման առարկա դարձնելու համար, այս մասին Factor.am-ին հայտնեց ԱԺ պատգամավոր Հովիկ Աղազարյանը։
Նա ասաց, որ տեղյակ չէ, թե քանի պատգամավոր է միացել ստորագրահավաքին։
«Դա խմբակցության նախաձեռնությունը չէ, պատգամավորների նախաձեռնությունն է։ Դեռ չգիտեմ՝ ինչքան պատգամավոր է ստորագրել։ Առաջարկում ենք ՀՀ վարչապետին քննության առնել նրա պաշտոնավորաման հետագա նպատակահարմարության հարցը»,- փոխանցեց նա։
Պատճառների վերաբերյալ էլ իշխանական պատգամավորը նշեց, եթե նման հարց է բարձրացվում, նշանակում է՝ դժգոհություններ կան նրա աշխատանքից։
Գրիգոր Մինասյանն արդարադատության նախարարի պաշտոնը զբաղեցնում է 2022-ի դեկտեմբերի 26-ից։
Հիշեցնենք՝ Գրիգոր Մինասյանի եղբայրը՝ Վատիկանում Հայաստանի նախկին դեսպան Միքայել Մինասյանը հետախուզման մեջ է գտնվում։ Վերջերս նրա նկատմամբ նոր հանրային քրեական հետապնդում է հարուցվել: Միքայել Մինասյանն անցնում է 76 դրվագով: Ըստ մեղադրանքի՝ առանձնպես խոշոր չափով խարդախություն կատարելու, կաշառք տալու, հակամրցակցային գործունեության, փողերի լվացման և այլ հանցագործությունների համար Մինասյանը ստեղծել և ղեկավարել է հանցավոր կազմակերպություն:
Իսկ Գրիգոր Մինասյանի հայրը՝ «Սբ․ Գրիգոր Լուսավորչ» հիվանդանոցի նախկին տնօրեն Արա Մինասյանը մեղադրվում է խոշոր չափերով խարդախության և մի խումբ անձանց հետ փաստաթղթեր կեղծելու համար։
