06.10.2026 | 21:03
24 ժամ ջուր չի լինի Դիլիջանի մի շարք հասցեներում
ԱՄՆ պետքարտուղարը վաղը Նյու Յորքում կհանդիպի Միրզոյանին ու Բայրամովին
Քաղաքականություն
25.09.2024 | 11:58
Սպասվում է, որ ԱՄՆ պետքարտուղար Էնթոնի Բլինքենը վաղը Նյու Յորքում կհանդիպի Հայաստանի ու Ադրբեջանի ԱԳ նախարարներին՝ հասնելու խաղաղության բանակցությունների «վերջնական փուլին»։ Այս մասին ադրբեջանական Թուրան գործակալության վաշինգտոնյան թղթակցին հայտնել են երկու աղբյուրներ։
Դեռևս պարզ չէ, սակայն, թե ինչպիսին կլինի «վերջնական փուլը» կամ դրա հնարավոր արդյունքը։ Այս մասին ԱՄՆ Պետքարտուղարությունը որևէ մեկնաբանություն չի տվել։
Հայաստանի և Ադրբեջանի ԱԳ նախարարներ Արարատ Միրզոյանն ու Ջեյհուն Բայրամովը Նյու Յորքում են՝ մասնակցելու ՄԱԿ-ի Գլխավոր վեհաժողովին։
Աղբյուրներն ընդգծել են, որ վաղը սպասվող հանդիպումը լինելու է Բլինքենի երկրորդ եռակողմ նախաձեռնությունը ԱՄՆ-ում հայ և ադրբեջանցի գործընկերների հետ երեք ամսից քիչ անց։ Վերջին անգամ նրանք հանդիպել էին Վաշինգտոնում ՆԱՏՕ-ի գագաթնաժողովի ժամանակ։
Վերջերս էլ Բլինքենն առանձին հեռախոսազրույցներ էր ունեցել ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։
Թարգմանությունը՝ Էմմա Չոբանյանի
