06.10.2026 | 21:03
24 ժամ ջուր չի լինի Դիլիջանի մի շարք հասցեներում
Էրդողանը Փաշինյանին է նվիրել իր հեղինակած գիրքը․ թուրքական կողմը՝ երկու երկրների ղեկավարների հանդիպման մասին
Քաղաքականություն
25.09.2024 | 10:52
ՄԱԿ-ի Գլխավոր վեհաժողովի 79-րդ նստաշրջանի շրջանակում Նյու Յորքում ՀՀ վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպման մասին հաղորդագրություն է տարածել թուրքական կողմը։ Դրա համաձայն՝ հանդիպմանն անդրադարձ է եղել Թուրքիայի և Հայաստանի միջև հարաբերությունների կարգավորմանը, ինչպես նաև Հայաստանի և Ադրբեջանի միջև խաղաղության գործընթացին։
Ասելով, որ Թուրքիան աջակցում է Ադրբեջանի և Հայաստանի միջև կայուն խաղաղության հաստատմանը և առաջիկա ժամանակահատվածում երկու երկրների միջև ամուր բարեկամության հաստատմանը՝ Էրդողանը նշել է, որ դրան նպաստելու ջանքերը շարունակվում են։
Էրդողանը նաև հայտարարել է, որ նշանակալի առաջընթաց է կատարվել Թուրքիայի և Հայաստանի միջև առանց նախապայմանների հարաբերությունների կարգավորման ճանապարհին և աջակցություն հայտնել երկխոսության գործընթացի շարունակմանը։
Թուրքական լրատվամիջոցները հայտնում են նաև, որ Էրդողանը Նիկոլ Փաշինյանին է նվիրել իր հեղինակած «Ավելի արդար աշխարհ հնարավոր է» գիրքը։
Ավելի վաղ Փաշինյան-Էրդողան հանդիպման մասին հաղորդագրություն էր տարածել նաև ՀՀ վարչապետի աշխատակազմը։
Թարգմանությունը՝ Էմմա Չոբանյանի
