06.10.2026 | 22:54
Հայաստանի մի շարք հասցեներում էլեկտրաէներգիայի անջատումներ կլինեն
ՀՀ ԱԳՆ-ն՝ Թուրքիայի և Իրանի սահմանին ռուս սահմանապահների փոխարեն հայ սահմանապահներ տեղակայելու հարցի մասին
Քաղաքականություն
24.09.2024 | 16:38
Սեպտեմբերի 9-ին ԱԺ-ում լրագրողների հետ ճեպազրույցում ԱԺ նախագահ Ալեն Սիմոնյանը կարծիք էր հայտնել, որ Իրանի և Թուրքիայի հետ սահմանին ռուս սահմանապահների ներկայության հարցում մտածելու բան կա։
«Բայց, այնուամենայնիվ, սա առաջարկ է, որը քննարկման փուլում է»,- ասել էր ԱԺ խոսնակը։
ՌԴ ԱԳՆ խոսնակ Մարիա Զախարովանն արձագանքել էր Ալեն Սիմոնյանի հայտարարությունը։ Ըստ Զախարովայի՝ Հայաստանի տարածքից ռուս սահմանապահների հեռանալը բացասաբար կանդրադառնան հանրապետության
անվտանգության վրա։
Factor.am-ը գրավոր հարցմամբ ԱԳՆ-ից փորձել էր տեղեկանալ՝ այս պահին քննարկվո՞ւմ է արդյոք Թուրքիայի և Իրանի սահմանից ռուս սահմանապահների փոխարեն հայ սահմանապահներ տեղակայելու հարցը։
Այս հարցին արտաքին գերատեսչությունից հետևյալ կերպ են պատասխանել․ «ՀՀ ԱԳՆ իրավասության ներքո գտնվող հարցերի վերաբերյալ տեղեկատվությունը և դիրքորոշումները պատշաճ ժամկետներում հրապարակվում են պաշտոնական լրահոսում»։
Ի դեպ, վարչապետ Նիկոլ Փաշինյանն օգոստոսի 11-ի ԱԺ-Կառավարություն հարցուպատասխանի ժամանակ ևս խոսել էր ռուս սահմանապահների թեմայից։ Վարչապետը մասնավորապես ասել էր՝ «այսօր ՀՀ-ն որոշել է, որ ռուս սահմանապահները ներկա են Հայաստանում, վաղը կարող է որոշել, որ ներկա չլինեն»:
Մանյա Պողոսյան
