05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Փաշինյանն ասաց՝ իրենց օրակարգը բալանսավորված քաղաքականությունն է, ոչ թե ԵՄ անդամ դառնալը․ Սարգսյան․ ՏԵՍԱՆՅՈՒԹ
Քաղաքականություն
23.09.2024 | 16:30
«Քաղաքականություն իրականացնող առաջին դեմքն ասաց, որ իրենց օրակարգը բալանսավորված քաղաքականությունն է, ոչ թե ԵՄ անդամ դառնալը»,-այսօր ԵՄ-ին անդամակցության հանրաքվեի նպատակով նախաձեռնված ստորագրահավաքի քարոզարշավի ժամանակ այսպիսի տեսակետ հայտնեց «Հանրապետություն» կուսակցության նախագահ Արամ Սարգսյանը։
«Ես կարծում եմ՝ այս առումով քաղաքացիական պայմանագիրը պետք է ժողով անի ու վերջնական ճշտի, թե իր կուսակցության անդամներից որը ինչ պետք է ասի»,- նշեց Սարգսյանը։
Հիշեցնենք, որ Կենտրոնական ընտրական հանձնաժողովը սեպտեմբերի 11-ի նիստում բավարարել էր 51 քաղաքացիների դիմումը «Եվրոպայի միությանը Հայաստանի Հանրապետության անդամակցելու գործընթացի մեկնարկի մասին» ՀՀ օրենքի նախագիծը քաղաքացիական նախաձեռնության կարգով առաջարկելու նպատակով նախաձեռնող խումբ կազմավորելու վերաբերյալ։ Սեպտեմբերի 16-ից տրվել է ստորագրությունների հավաքման մեկնարկը։ 60 օրվա ընթացքում` մինչև նոյեմբերի 14-ը ներառյալ նախաձեռնությունը պետք է կարողանա հավաքել 50 հազար ստորագրություն, որպեսզի նախաձեռնող խումբը հանրաքվեի դրվող նախագիծը ներկայացնի ԱԺ։ Եթե իշխող մեծամասնությունը մերժի այն, ապա ստիպված կլինեն 300 հազար քաղաքացու ստորագրություն հավաքել, որը հանրաքվեն կդարձնի պարտադիր՝ առանց ԱԺ-ի հավանության։
