06.10.2026 | 15:04
Ադրբեջանը հիմա էլ աղվանա-ուդիական համայնքի ներկայացուցիչների այց է կազմակերպել Արցախի Ծիծեռնավանք
ԱԴԾ-ի ոգին դեռ իշխում է որոշ հայ սահմանապահների աշխատանքային մշակույթում, ինչը չես ասի ոստիկանների մասին․ Ալեքսանդր Լապշին․ ՏԵՍԱՆՅՈՒԹ
Քաղաքականություն
23.09.2024 | 18:30
««Զվարթնոց» միջազգային օդանավակայանում իմ ձերբակալությունը սադրանք էր, որը կազմակերպվել էր թուրք-ադրբեջանական տանդեմի կողմից հայկական կողմի դեմ և իրականացվել բելառուսական իշխանությունների միջոցով։ Իսկ Հայաստանն ընկավ այդ սադրանքի թակարդը»,- Factor TV-ի հետ զրույցում նշում է իսրայելցի լրագրող և բլոգեր Ալեքսանդր Լապշինը։
Նրա պնդմամբ՝ իր նկատմամբ հետախուզում է հայտարարվել Բելառուսի կողմից՝ յոթ մեղադրանքի հիման վրա, որոնք հանգում են այդ երկրի ղեկավար Ալեքսանդր Լուկաշենկոյին վիրավորելուն։ Ըստ նրա՝ այս գործընթացում ակտիվ գործող անձ է Հայաստանում Բելառուսի ներկայիս դեսպան Ալեքսանդր Կոնյուկը։
Մեկնաբանելով ձերբակալության պահին Facebook-ում իր գրառումներին, որտեղ Լապշինը սկզբում գրել է, որ իր ձերբակալության հետևում կանգնած են Ադրբեջանն ու Ռուսաստանը, իսկ հաջորդ գրառման մեջ՝ Բելառուսն ու Ռուսաստանը, նա նշում է, որ այդ տեղեկությունն իրեն հաստատել է հայ սահմանապահներից մեկը։ Լապշինը նշում է, որ ի տարբերություն ոստիկանների, որոնք իր հետ հարգանքով են վերաբերվել և անհրաժեշտ պարզաբանումները տվել, մի շարք սահմանապահներ, այդ թվում՝ հերթափոխի պետը, շատ վատ են իրենց դրսևորել։
Հարցազրույցն ամբողջությամբ՝ տեսանյութում։
Սամվել Մելիքսեթյան
