14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Փաշինյանն ու Էրդողանը հանդիպելու են Նյու Յորքում․ թուրքական ԶԼՄ-ներ
Քաղաքականություն
23.09.2024 | 10:52
Թուրքիայի նախագահ Ռեջեփ Թայիփ Էրդողանը, որն այցով Նյու Յորքում է՝ մասնակցելու է ՄԱԿ-ի Գլխավոր վեհաժողովին, տարբեր երկրների ղեկավարների է հանդիպելու ՄԱԿ-ի շենքին մոտ տեղակայված Թուրքական տանը (Türkevi), հայտնում են թուրքական լրատվամիջոցները։
Նախօրեին Էրդողանն արդեն հանդիպել է Ալբանիայի վարչապետին ու Սերբիայի նախագահին, իսկ այսօր հանդիպելու է Քուվեյթի թագաժառանգին, Իրանի նախագահ Մասուդ Փեզեշքիանին, ինչպես նաև Գերմանիայի կանցլեր Օլաֆ Շոլցին։
Նշվում է, որ նախատեսված է նաև հանդիպում ՀՀ վարչապետ Նիկոլ Փաշինյանի հետ։
«Նյու Յորքի ծրագրի կարևորագույն հանդիպումներից մեկը լինելու է ՀՀ վարչապետ Նիկոլ Փաշինյանի հետ։ Հանդիպումը, որը պատմական բնույթ է ստանալու Փաշինյանի՝ Türkevi ժամանելով, ուշադրությամբ հետևելու են տարածաշրջանային դերակատարներն և ԱՄՆ-ը»,- գրում է Hurriyet-ը։
Վաղը նախատեսվում է նաև Էրդողանի հանդիպելու է Ուկրաինայի նախագահ Վլադիմիր Զելենսկիի հետ։ Չորեքշաբթի Էրդողանը կնոջ՝ Էմինե Էրդողանի հետ մասնակցելու է ի պատիվ ՄԱԿ-ի Գլխավոր վեհաժողովին մասնակցող պատվիրակությունների ԱՄՆ նախագահ Ջո Բայդենի կողմից կազմակերպված ընդունելությանը։
Թարգմանությունը՝ Էմմա Չոբանյանի
