24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
ՀՀ-ի և Ադրբեջանի միջև հակամարտությունում Լուկաշենկոն վաղուց ադրբեջանական կողմին է ընտրել. Յուրի Դրակոխրուստ. ՏԵՍԱՆՅՈՒԹ
Քաղաքականություն
17.09.2024 | 19:00
Հայաստանի և Ադրբեջանի միջև հակամարգությունում Բելառուսի նախագահ Ալեքսանդր Լուկաշենկոն վաղուց ադրբեջանական կողմն է ընտրել։ Բացի առևտրատնտեսական շահերից, ռուսական պարտքի դիմաց վճարելու համար Ադրբեջանի ֆինանսական օգնությունից՝ Լուկաշենկոյի համար գրավիչ է նաև իշխանությունը հորից որդուն փոխանցելու մոդելը, որը տեղի ունեցավ Ադրբեջանում։ Factor TV-ի հետ զրույցում նման կարծիք է հայտնում «Ազատություն» ռադիոկայանի բելառուսական ծառայության փորձագետ Յուրի Դրակոխրուստը։
Մեկնաբանելով Հայաստանի և հայ-ադրբեջանական հակամարտության մասին Լուկաշենկոյի շարունակվող սկանդալային հայտարարությունները՝ նա նշում է, որ առանց Կրեմլի «հավանության» Բելառուսի ղեկավարը հազիվ թե հայտարարեր պատերազմում Ադրբեջանին աջակցելու մասին, որը բարձրաձայնեց Բաքու այցի ժամանակ։
Ինչ վերաբերում է արցախյան հիմնախնդրի հարցում բելառուսական հանրության և իշխանությունների վերաբերմունքին, փորձագետը նշում է, որ այն միշտ էլ քիչ արդիական է եղել Բելառուսում։ Փոխարենը Բելառուսի ընդդիմությունն ավելի մեծ համակրանքով է վերաբերվել Հայաստանին՝ որպես ավելի ժողովրդավարական երկրի։
Դրակոխրուստը Բելառուսի և Ռուսաստանի հարաբերությունները բնորոշում է «վասալային»՝ նշելով, որ «Բելառուսը փորձում է Ռուսաստանից փրկություն գտնել հենց նրա գրկում»։
Հարցազրույցն ամբողջությամբ՝ տեսանյութում։
Սամվել Մելիքսեթյան
