21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Փոխեք TEMU-ի գաղտնաբառը․ ըստ մասնագետների՝ 87 մլն հաճախորդի տվյալ է արտահոսել, այդ թվում՝ ՀՀ-ից
Հասարակություն
17.09.2024 | 13:00
TEMU հարթակից 87 մլն հաճախորդի տվյալների արտահոսք է կատարվել, որոնց մեջ ներառված են նաև ՀՀ-ի բնակիչների անձնական տվյալները։ Այս մասին ահազանգել է CyberHub-ի անվտանգության ինժեներ Լևոն Իսաջանյանը։
«Ու ոնց հասկանում եմ, արտահոսել է UserId, Username, e-mail, address, IP address, Gender, Phone Number, DOB: Կան այլ տվյլաներ, որոնք գտնվում են հեշավորված վիճակում կամ այլ Boolean մակարդակում, ինչը հնարավոր չէ իդենտիֆիկացնել, մինչ չլինի ամբողջ տվյալների շտեմարանը»,- ֆեյսբուքյան գրառմամբ հայտնել է մասնագետը։
CyberHub-ի համահիմնադիր Արթուր Պապյանը Factor TV-ի հետ զրույցում ասաց՝ կան հատուկ ֆորումներ, որտեղ այդ տվյալները վաճառվում են։ Մասնագետն այս պարագայում, խորհուրդ է տալիս TEMU հարթակից օգտվող բոլոր քաղաքացիներին փոխել իրենց գաղտնաբառերը և՛ TEMU-ում, և՛ մյուս այլ հարթակներում, որտեղ դրանք համընկնում են։
«Շատ մարդիկ սովորույթ ունեն նույն մեյլի հասցեով, նույն գաղտնաբառով գրանցվել բոլոր հնարավոր ծառայություններում ու էջերում։ Հիմա որ TEMU-ում կոտրել են, եթե նույն գաղտնաբառն է ինչ Facebook-ում, Instagram-ում կամ այլ հարթակներում, ապա դա արդեն բավական մտահոգիչ է։ Պետք է TEMU-ում գրանցված քաղաքացիները փոխեն իրենց գաղտնաբառերը այս հարթակներում, որպեսզի իրենց ավելի անվտանգ դարձնեն»,- ասում Է Պապյանը։
Թե Հայաստանից որքան տվյալի արտահոսք է եղել, մասնագետի խոսքով, դժվար է ասել։ Ըստ Պապյանի՝ պարզելու համար կարիք կլինի հաքերների անօրինական արխիվ գնելու, որը այս պարագայում մասնագետները ցանկալի չեն համարում։
Անի Թամրազյան
