14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
325․9 մլն դրամ՝ եռօրյա համաժողովի համար․ Ազգային ժողովը պայմանագիր է կնքել «Դվին»-ի հետ
12.09.2024 | 22:42
Սեպտեմբերի 12-14-ը Երևանում անցկացվում է Միջխորհրդարանական միության (IPU) երիտասարդ խորհրդարանականների գլոբալ համաժողովը։ Այդ մասին համաձայնագիրը ՀՀ ԱԺ նախագահ Ալեն Սիմոնյանը և Միջխորհրդարանական միության գլխավոր քարտուղար Մարտին Չունգոնգը ստորագրել են Ժնևում այս տարվա մարտին։
Պետական գնումների էլեկտրոնային Armeps համակարգից Factor.am-ը տեղեկացավ, որ եռօրյա համաժողովի կազմակերպման համար Ազգային ժողովը ծախսելու է 325․9 մլն դրամ։ Նման ծավալի գնումն իրականացվել է 1 անձից, իսկ պայմանագիրը կնքվել է «Դվին հյուրանոցային համալիր» ՓԲԸ-ի հետ։
Ըստ հրապարակված պայմանագրի՝ համաժողովին մասնակցելու է 300-350 անձ։ Այսինքն՝ 1 անձի հաշվարկով ծախսը ստացվում է միջինում 1 մլն դրամ։
«Դվին հյուրանոցային համալիր»-ն ապահովելու է բոլոր անհրաժեշտ ծառայությունների մատակարարումը՝ սկսած հյուրերի տեղափոխումից, սննդից, մինչև տեսանկարահանում, հոլովակի պատրաստում, և նույնիսկ բիլբորդներով տեղեկատվության ցուցադրում։
Գայանե Խաչատրյան
