16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Եթե մեր թուրք գործընկերները քաղաքական կամք դրսևորեն, մենք կարող ենք վաղը կարգավորված հարաբերություններ ունենալ․ Ռուբինյան․ ՏԵՍԱՆՅՈՒԹ
Քաղաքականություն
10.09.2024 | 17:58
Հայաստանը միշտ պատրաստ է եղել և հիմա էլ պատրաստ է կարգավորել հարաբերությունները Թուրքիայի հետ, եթե Թուրքիայի կողմից ևս քաղաքական կամք դրսևորվի։ Այս մասին «Երևանյան երկխոսություն» համաժողովում հայտարարել է ՀՀ ԱԺ փոխնախագահ, հայ-թուրքական հարաբերությունների կարգավորման հարցով հատուկ ներկայացուցիչ Ռուբեն Ռուբինյանը։
«Հայաստանի ներկայիս կառավարության և 1991 թվականից սկսած բոլոր կառավարությունների համար պատմությունը Թուրքիայի հետ հարաբերությունների կարգավորման ռազմավարության մաս չի եղել։ Մենք միշտ պատրաստ ենք եղել ու հիմա էլ պատրաստ ենք Թուրքիայի հետ ունենալ նորմալ հարաբերություններ, դիվանագիտական կապեր, բաց սահմաններ։ Եթե քաղաքական կամք լինի նաև մեր թուրք գործընկերների կողմից, մենք կարող ենք վաղը կարգավորված հարաբերություններ ունենալ»,- հայտարարել է Ռուբինյանը։
Անդրադառնալով տարածաշրջանային հաղորդակցություններին՝ Ռուբինյանը նշել է, որ ներկայում պատմական հնարավորություն է ստեղծվել Հարավային Կովկասը «խաղաղության խաչմերուկի» վերածելու համար։
«Այսօր պատմական հնարավորություն ունենք Հարավային Կովկասն աշխարհաքաղաքական փակուղուց վերածել խաղաղության խաչմերուկի։ Մեր դիրքորոշումն այն է, որ հաղորդակցությունները չպիտի դառնան աշխարհաքաղաքական մրցակցության պատանդ»,- հայտարարել է Ռուբինյանը։
Մանրամասները՝ տեսանյութում։
