15.12.2024 | 14:24
Սոթքում 2022-ի ռազմական ագրեսիայից հետո բնակիչներին են հանձնվել նորակառույցների բանալիները. ՏԵՍԱՆՅՈՒԹ
Մոսկվա-Երևան մեկ չվերթ չեղարկվել է, երեքը՝ հետաձգվել
10.09.2024 | 11:37
Մոսկվա-Երևան մեկ չվերթ չեղարկվել է, երեքը՝ հետաձգվել․ այս մասին տեղեկանում ենք «Զվարթնոց» օդանավակայանի պաշտոնական կայքէջից: Չեղարկվել է Մոսկվայի «Շերեմետովո» օդանավակայանից նախատեսված չվերթը, հետաձգվել՝ «Վնուկովո» օդանավակայանից նախատեսված երկու, «Դոմոդեդովո»-ից՝ մեկ չվերթ։
Ռուսաստանի օդային տրանսպորտի դաշնային գործակալության մամուլի քարտուղար Արտյոմ Կորենյակոն առավոտյան հայտնել էր, որ ժամանակավոր սահմանափակումներ են մտցվել Մոսկվայի «Վնուկովո», «Դոմոդեդովո» և «Ժուկովսկի» օդանավակայաններում։
Սահմանափակումները սահմանվել են Մոսկվայի շրջանի վրա անօդաչու թռչող սարքերի հարձակման ֆոնին տեղական ժամանակով 1:30-ից։ Առավոտյան սահմանափակումները չեղարկվել են։ «Վնուկովո», «Դոմոդեդովո» և «Ժուկովսկի» օդանավակայաններում թռիչքների սահմանափակումները հանվել են, հայտնել է «Ռոսավիացիա»-ն: Դրանք, ըստ Օդային տրանսպորտի դաշնային գործակալության, հանվել են առավոտյան ժամը 8-ի սահմաններում:
