18.09.2026 | 15:38
Ռուբեն Վարդանյանը դիմել է Ադրբեջանի ՄԻՊ-ին՝ բարձրաձայնելով Ումբակիում պահվող հայերի իրավունքների խախտումների մասին
Զուտ պաշտոնի դաշինք չենք կազմի ՔՊ-ի հետ․ Արամ Սարգսյանը՝ խորհրդարանական ընտրություններին առանձին մասնակցելու մասին․ ՏԵՍԱՆՅՈՒԹ
Քաղաքականություն
10.09.2018 | 13:28
Ազգային ժողովի «Ելք» խմբակցության պատգամավոր Արամ Սարգսյանն այսօր խորհրդարանում լրագրողների հետ զրույցում, անդրադառնալով հարցին՝ ի՞նչ ձևաչափով են «Ելք» դաշինքի կազմի մեջ մտնող ուժերը մասնակցելու արտահերթ խորհրդարանական ընտրություններին, ասաց, որ եթե «Քաղաքացիական պայմանագիր» կուսակցությունը ավագանու ընտրություններում վերցնի մեծամասնություն, անիմաստ է ընտրությունների գնալ միասնական, քանի որ դա կլինի պատեհապաշտություն, ինչին ինքը դեմ է։
«Զուտ պաշտոնի դաշինք չենք կազմի ՔՊ-ի հետ: Եթե մեր ժողովուրդն ամբողջությամբ աջակցի «Քաղաքացիական պայմանագրին» և տա մեծամասնություն, իրենք էլ պետք է լինեն մեծամասնություն, այստեղ դաշինքի խնդիր չկա: Եթե խնդիր առաջանա, որ ժողովուրդն ուզում է համախմբել, և մեծամասնություն ձևավորելը բարդ է դառնում, ապա այն քաղաքական կուսակցությունները, որոնք նույն գաղափարներն ունեն, համագործակցություն կծավալեն»,- ասաց պատգամավորը։
Արամ Սարգսյանը նաև շեշտեց, որ ՔՊ-ի հետ, եթե դաշինք չկազմեն, այդ դեպքում «Ելք» դաշինքի մեջ ընդգրկված «Հանրապետություն» և «Լուսավոր Հայաստան» կուսակցությունները միասին կգնան արտահերթ խորհրդարանական ընտրություններին:
Արամ Սարգսյանը նաև նշեց, որ այս իմաստով Երևանի ավագանու ընտրությունները կարող են հստակեցնել խորհրդարանական ընտրությունների ժամանակ մասնակից քաղաքական ուժերի վերադասավորումների պատկերը։
