26.12.2025 | 23:15
Ալիևն Արցախում իր ընտանիքին պատկանող հերթական հյուրանոցն է բացել
ՀՀ-ն ու ԵՄ-ն սկսում են վիզայի ազատականացման երկխոսությունը․ ԵՀ փոխնախագահը կայցելի Երևան
Քաղաքականություն
06.09.2024 | 16:40
Եվրահանձնաժողովի փոխնախագահ Մարգարիտիս Սխինասը կայցելի Երևան՝ ԵՄ-ի և Հայաստանի միջև վիզաների ազատականացման շուրջ երկխոսությունը սկսելու համար։ Այս մասին ասվում է Եվրահանձնաժողովի հրապարակված հայտարարության մեջ։
«Կիրակի Սխինասը կմեկնի Երևան՝ քաղաքական մակարդակով երկխոսություն սկսելու վիզային ռեժիմի ազատականացման շուրջ»,- ասվում է հաղորդագրության մեջ։
Ըստ ԵՄ-ի՝ այս երկխոսության նպատակն է համաձայնության գալ՝ կարճ ժամանակով ԵՄ երկրներ մեկնող Հայաստանի քաղաքացիների համար նախնական վիզայի անհրաժեշտությունը վերացնելու վերաբերյալ։
Նշվում է, որ դրա համար Հայաստանը պետք է բարեփոխումներ իրականացնի այնպիսի առանցքային ոլորտներում, ինչպիսիք են սահմանների անվտանգությունը, միգրացիան, անվտանգությունը և ճանապարհորդության հետ կապված հիմնարար իրավունքների և ազատությունների հարգումը։ Ավելին, այլ երկրների հետ ԵՄ-ի փորձի համաձայն՝ նման բանակցությունները կտևեն մի քանի տարի։
Եվրահանձնաժողովի փոխնախագահը հանդիպումներ է ունենալու ՀՀ նախագահի, վարչապետի, ԱԳ նախարարի հետ։
