24.06.2026 | 12:54
Խալաֆյանների դաժան սպանությունից հետո վերադարձել են ու հարձակվել բեռնատարի վրա. Արա Ղազարյան․ ՏԵՍԱՆՅՈՒԹ
ՍԱՏՄ-ն պաշտոնական ծանուցում չի ստացել Հայաստանից ՌԴ ներկրված ելակի մեջ վտանգավոր պեստիցիդ հայտնաբերելու մասին
Տնտեսություն
28.08.2024 | 15:18
Սննդամթերքի անվտանգության տեսչական մարմինը պաշտոնական որևէ ծանուցում առայժմ չի ստացել Հայաստանից ներկրված ելակի մեջ վտանգավոր տեբուկոնազոլ պեստիցիդի հայտնաբերման վերաբերյալ։ Այս մասին Factor.am-ին փոխանցում են տեսչական մարմնից։
Ռուսական Mash տեղեկատվական պորտալը այսօր հայտնել է, թե պեստիցիդները, իբր, հայտնաբերվել են չորս տոննա խմբաքանակում, որը ստուգման է վերցվել օգոստոսի 21-ին։ Ըստ հրապարակման՝ նմուշում ստուգվել է տրիֆլոքսիստրոբին պեստիցիդի և տեբուկոնազոլի քանակությունը։ Առաջինը ազդում է վերարտադրողականության վրա։ Իսկ երկրորդը մարդու համար վտանգավոր նյութերի երկրորդ դասին է պատկանում և քայքայում է էնդոկրին համակարգը։
Պորտալը պնդում է, որ ստուգման արդյունքում՝ հայտնաբերվել է 0,152 մգ/կգ տեբուկոնազոլ։ Դրա ցուցանիշը չի նորմավորվում, բայց առկայությունն արտադրանքում արդեն համարվում է ոչ անվտանգ։ Բացի այդ նշվում է, որ օգոստոսի 16-ին ստուգել են Հայաստանից ներկրված ելակի այլ խմբաքանակ, որում, իբր, գերազանցված է եղել բուպիրիմատ պեստիցիդի պարունակությունը (0,690 մգ/կգ)։
