14.05.2026 | 22:28
Հայաստանի մի շարք հասցեներում էլեկտրաէներգիայի անջատումներ կլինեն
Ադրբեջանը միայն բարդացնում է իր դրությունը ԵԽ-ում. ԵԽԽՎ նախագահ
Քաղաքականություն
27.08.2024 | 15:51
ԵԽԽՎ նախագահ Թեոդորոս Ռուսոպուլոսն արձագանքել է Ադրբեջանի ԱԳՆ հայտարարությանը, թե Եվրոպայի խորհրդի խորհրդարանական վեհաժողովի (ԵԽԽՎ) որոշ անդամներ Ադրբեջանում պերսոնա նոն գրատա են հայտարարվել, գրում է ադրբեջանական Turan գործակալությունը։
«Սա ավելի քան ցավալի ազդանշան է, որը միայն բարդացնում է Ադրբեջանի ներկայիս դրությունը ԵԽ-ում։ Անդամ երկրները պարտավորվել են պահպանել ժողովրդավարության չափանիշները. Իրենց խղճի համաձայն քվեարկածների սև ցուցակը կարող է հանգեցնել միայն հակառակ արդյունքի»,- գրել է նա X-ի իր էջում:
Հիշեցնենք, որ նախօրեին Ադրբեջանի ԱԳՆ խոսնակը հայտարարել էր, որ 2024 թվականի հունվարին ԵԽԽՎ-ում ադրբեջանական պատվիրակությանը ձայնի իրավունքից զրկելու օգտին քվեարկած պատգամավորներին թույլ չեն տա մտնել Ադրբեջան։
ԵԽԽՎ պատգամավորների այս որոշման պատճառն Ադրբեջանի կողմից որպես ԵԽ անդամի իր պարտավորությունների համակարգված խախտումն էր։
