14.01.2026 | 11:12
Չի կարող TRIPP ընկերության բաժնեմասերի փոփոխություն տեղի ունենալ առանց ՀՀ-ի համաձայնության․ Միրզոյան․ ՏԵՍԱՆՅՈՒԹ
Հովհ. Թումանյանի անվան ազգային տիկնիկային թատրոնը մասնակցել է «Փոքրիկ ամրոց» միջազգային տիկնիկային թատերական 1-ին փառատոնին
Մշակույթ
27.08.2024 | 13:53
Չինաստանի Շանհայ, Շենժեն, Ջինյան, Անկանգ և Նանտոնգ քաղաքներում անցկացվել է «Փոքրիկ ամրոց» միջազգային տիկնիկային թատերական 1-ին փառատոնը, որին մասնակցել է նաև Հովհ. Թումանյանի անվան ազգային տիկնիկային թատրոնը՝ «Մատնաչափիկը» ներկայացումով:
ԿԳՄՍՆ-ից տեղեկացնում են, որ փառատոնին մասնակցում էին նաև ՌԴ-ի, Գերմանիայի, Բուլղարիայի, Իսպանիայի, Չինաստանի, Լեհաստանի, Իրանի թատերախմբեր:
Հովհ. Թումանյանի անվան ազգային տիկնիկային թատրոնը «Մատնաչափիկը» ներկայացումը խաղացել է Չինաստանի 5 տարբեր քաղաքների 7 տարբեր հարթակներում. ընդհանուր 14 ներկայացում, որը դիտել է շուրջ 5000 հանդիսատես:
Հանդիսատեսը շատ ջերմ է ընդունել ներկայացումը. այն արժանացել է կազմակերպիչների բարձր գնահատականին:
