04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Առուշ Առուշանյանի նկատմամբ 5 տարի ժամկետով պաշտոնավարման արգելք է սահմանվել. ԱՆ խոսնակ
Հասարակություն
21.08.2024 | 17:28
Գորիսի քաղաքապետ Առուշ Առուշանյանը հրավիրվել է ՀՀ ԱՆ Պրոբացիայի ծառայության գրասենյակ՝ հաշվառման ներկայանալու և հաշվառվելու, նրան փոխանցվել է երեք ակտ, այս մասին Factor.am-ին հայտնեց ԱՆ խոսնակ Նորայր Շողիկյանը։
«Առաջինով 700 հազար դրամի չափով տուգանք է նշանակվել, երկրորդով պետք է անցնի մեկ տարի և վեց ամիս ժամկետով փորձաշրջան, իսկ երրորդով հինգ տարով պաշտոնավարման արգելք է սահմանվել»,- մանրամասնեց նա։
Հիշեցնենք, որ Սյունիքի մարզի ընդհանուր իրավասության դատարան 2022թ․ մարտի 28-ին հրապարակել էր Առուշ Առուշանյանի և մյուսների գործով դատավճիռը, որով Առուշանյանն արդարացվել է իրեն մեղսագրվող ընտրական հանցավոր ենթադրյալ արարքների դրվագով, իսկ մյուս դրվագով մեղավոր է ճանաչվել և դատապարտվել ազատազրկման՝ 1 տարի 6 ամիս ժամկետով, որին հաշվակցելով Առուշանյանի՝ ութ ամիս արգելանքի տակ գտնվելու ժամկետը, դատարանը, որպես վերջնական պատիժ, սահմանել է 6 ամիս ժամկետով ազատազրկումը, որը պայմանականորեն չի կիրառվել։
Մանյա Պողոսյան
