27.12.2025 | 13:10
Վահե Գևորգյան․ Տարվա լավագույն մարզիչ լինելը պարտավորեցնող է
«Ֆեստիվառ»․ Եղեգնաձորում փողոցներ են փակ լինելու
Մշակույթ
21.08.2024 | 11:28
ՆԳՆ ոստիկանությունից տեղեկացնում են, որ օգոստոսի 24-ին Վայոց ձորի մարզկենտրոն Եղեգնաձոր քաղաքում կայանալիք «Ֆեստիվառ» զբոսաշրջային-երաժշտական փառատոնի կազմակերպչական աշխատանքների համար սահմանափակվելու է որոշ փողոցների երթևեկությունը։
Մասնավորապես, օգոստոսի 20-ից 25-ը փակ է լինելու Նարեկացու փողոցը՝ հիվանդանոցից մինչև Միկոյան փողոց։ Օգոստոսի 23-ից 25-ը մեքենաների համար փակ են լինելու Քաղաքային ամֆիթատրոնի հարակից տարածքները։
Զբոսաշրջային անվճար երթուղիների համար նախատեսված ավտոբուսները ձեզ կսպասեն Եղեգնաձորի ավտոկայանում։
Հյուրերի համար առանձնացված են ավտոկայանատեղիներ քաղաքի հետևյալ հատվածներում՝ Շահումյան փողոցի վերջնամաս, Նարեկացու փողոցի վերջնամաս՝ եկեղեցու հարևանությամբ, Վարդան Զորավարի փողոց, ինչպես նաև Եղեգնաձորի երաժշտական դպրոցի հարևանությամբ։
Նշենք, որ «Ֆեստիվառ» զբոսաշրջային-երաժշտական փառատոնի շրջանակներում Եղեգնաձորում համերգով է հանդես գալու այս տարի «Եվրատեսիլ»-ում Հայաստանը ներկայացրած ֆրանսահայ երգչուհի Ժակոն։
