15.07.2026 | 10:25
Արտարժույթների փոխարժեքները՝ հուլիսի 15-ի դրությամբ
ԱՀԿ-ն գլոբալ արտակարգ դրություն է հայտարարել կապիկի ծաղիկի բռնկման պատճառով
Քաղաքականություն
15.08.2024 | 13:35
Առողջապահության համաշխարհային կազմակերպությունը (ԱՀԿ) կրկին Աֆրիկայում mpox վիրուսի (կապիկի ծաղիկ) տարածման ահազանգի ամենաբարձր մակարդակ է հայտարարել։ ԱՀԿ-ի Արտակարգ իրավիճակների կոմիտեն նոր mpox-ի բռնկումը համարում է «միջազգային նշանակության առողջապահական արտակարգ իրավիճակ», Ժնևում կայացած մամուլի ասուլիսում ասել է կազմակերպության գլխավոր տնօրեն Թեդրոս Ադհանոմ Գեբրեյեսուսը, գրում է DW-ի ռուսական ծառայությունը:
Նրա խոսքով՝ Բուրունդիում, Քենիայում, Ռուանդայում և Ուգանդայում, որտեղ mpox-ի տարածում նախկինում չէր գրանցվել, վիրուսի 1b տարբերակով վարակման 90 դեպք է գրանցվել, որը բնութագրվում է հիվանդության ավելի ծանր ընթացքով և հանգեցնում է ավելի շատ մահվան դեպքերի, քան նախորդ տարբերակը։ Կոնգոյի Դեմոկրատական Հանրապետությունում այս վիրուսով արդեն վարակվել է ավելի քան 14 հազար մարդ, մահացել է՝ 524-ը։
Այս տարի աֆրիկյան 13 երկրներում գրանցվել է mpox վարակի 17 հազար դեպք, ինչը 160 տոկոսով ավելի է, քան 2023 թվականի նույն ժամանակահատվածում, գրում է Reuters-ը։
Վիրուսի փոխանցումը մարդուց մարդուն հնարավոր է սերտ շփման միջոցով, մասնավորապես՝ սեռական հարաբերության ժամանակ։ Հիվանդության հիմնական ախտանշաններն են բարձր ջերմությունը, ցանը, ավշային հանգույցների բորբոքվածությունը, մկանային ցավը, թուլությունը։ Որպես կանոն, մարդու մարմինը հաղթահարում է վիրուսը երկուսից չորս շաբաթվա ընթացքում, սակայն հնարավոր է նաև հանգեցնի մահվան:
2022 թվականի ամռանն ԱՀԿ-ն արդեն հայտարարել էր, որ կապիկի ծաղիկը միջազգային մտահոգություն առաջացնող առողջապահական արտակարգ իրավիճակ է»:
