14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Երկրաշարժից վնասված տների թիվը 70-ի է հասել, վնասների գույքագրումը դեռ չի ավարտել․ Երանոսի վարչական ղեկավար
Հասարակություն
13.08.2024 | 12:53
Գեղարքունիքի մարզի Երանոս բնակավայրի վարչական ղեկավարը, համայնքային և մարզային հանձնաժողովի անդամների հետ երեկվանից շրջում է համայնքում և գույքագրում, թե երկրաշարժի հետևանքով ինչ վնասներ կան։ Վարչական ղեկավար Սաշա Բավեյանը Factor.am-ի հետ զրույցում նշեց, որ վնասների գնահատման համար երեկ ստեղծվել են համայնքային և մարզային հանձնաժողովներ։ Այս պահին դեռ չեն ավարտվել գնահատման աշխատանքները։ Ըստ նրա, գյուղացիներից մեծ թվով ահազանգեր են ստացել, այցելում են բոլորին։
«Երկրորդ օրն է, լարված աշխատում ենք՝ վաղ առավոտից մինչև ուշ երեկո, նշանակում է, որ երկրաշարժի հետևանքով վնասները շատ են»,- նշեց նա։
Սաշա Բավեյանի տեղեկացմամբ՝ այս պահին Երանոսում երկրաշարժից վնասված տների քանակը 70-ի է հասել, բայց այս թիվը ևս վերջնական չէ։
Վարչական ղեկավարը նաև հայտնեց, որ համայնքում հողաշեն 3 տուն է փլուզվել։
Նա նշեց, որ վնասները գնահատելուց հետո երկրորդ փուլով հանձնաժողովներում կքննարկեն նաև փոխհատուցման հարցը։
Հիշեցնենք, որ օգոստոսի 12-ին Մարտունի քաղաքից 9 կմ հյուսիս-արևմուտք, 4.2 մագնիտուդով երկրաշարժ է գրանցվել։ Այն զգացվել է Գեղարքունիքի մարզում՝ 5 բալ, Կոտայքի մարզում՝ 4 բալ և Երևան քաղաքում՝ 2-3 բալ ուժգնությամբ։ Էպիկենտրոնային գոտում ստորգետնյա ցնցման ուժգնությունը կազմել է 5-6 բալ: Երկրաշարժը զգացվել է Գեղարքունիքի մարզում՝ 5 բալ, Կոտայքի մարզում՝ 4 բալ և Երևան քաղաքում՝ 2-3 բալ ուժգնությամբ։
