13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Վրաստանը դեպի ՀՀ նոր ավտոմայրուղի է կառուցում. այն 250 մլն եվրո կարժենա
Քաղաքականություն
12.08.2024 | 15:12
Վրաստանի կառավարությունը Մառնեուլիի շրջանում սեփականատերերից օտարում է հողը՝ մինչև Հայաստանի հետ սահման Ռուսթավի-Սադախլո նոր ավտոմայրուղու կառուցման համար, գրում է Newsgeorgia-ն։
Ծրագիրը ֆինանսավորվում է Եվրոպական ներդրումային բանկի կողմից՝ Արևելք-Արևմուտք միջազգային ճանապարհային ծրագրի վարկային համաձայնագրի շրջանակում:
Նոր երթուղին, որն անցնելու է գործող ճանապարհին զուգահեռ, ունենալու է չորս գոտի, իսկ երկարությունը՝ մոտ 30 կիլոմետր, ներառյալ՝ 11 կամուրջներ և անցումներ։ Շինարարությունը կարժենա 250 մլն եվրո։
Աղբյուրի համաձայն՝ մի քանի հողատերեր հրաժարվել են վաճառել իրենց սեփականությունը կամ չեն համաձայնվել առաջարկվող գնին, և այժմ հողամասերի օտարումը տեղի է ունենալու հարկադիր կերպով։ Երկրի էկոնոմիկայի նախարարի համապատասխան հրամանում հղում է արվում Վրաստանի Սահմանադրության 19-րդ հոդվածին, ըստ որի՝ գույքի հարկադիր օտարումը թույլատրվում է հանրային հրատապ շահի դեպքում՝ լրիվ և արդարացի փոխհատուցման պայմանով։
