27.05.2026 | 21:52
Կօգտագործեմ լծակներս, որ Լուկաշենկոն ԵԱՏՄ-ն չկարողանա օգտագործել Հայաստանի դեմ. Փաշինյան. ՏԵՍԱՆՅՈՒԹ
Արաբկիրի նախկին թաղապետ Արամ Ազատյանը կալանավորվել է
Հասարակություն
09.08.2024 | 16:17
Մեկ ամիս առաջ տնային կալանքի տարված Արաբկիրի արդեն նախկին թաղապետ Արամ Ազատյանը կալանավորվել է․ Factor.am-ի հետ զրույցում այս մասին ասաց նրա պաշտպան Արթուր Պիվազյանը։
Գլխավոր դատախազությունն էր բողոքարկել Արամ Ազատյանի նկատմամբ որպես խափանման միջոց տնային կալանք ընտրելու դատարանի որոշումը և այն բողոքարկել․ Վերաքննիչ դատարանը երեկ բավարարել է բողոքը․ Ազատյանն այսօր տեղափոխվել է ՔԿՀ։
Հիշեցնենք, որ մեկ ամիս առաջ ԱԱԾ-ն ու ՔԿ-ն Արաբկիրի թաղապետարանում քննչական ու վարութային գործողություններ իրականացրին, որից հետո վարչական շրջանի ղեկավար Արամ Ազատյանի նկատմամբ որպես խափանման միջոց ընտրվեց տնային կալանքը՝ համակցված 30 միլիոն դրամ գրավով, իսկ նրա երկու տեղակալներ Գեղամ Կարապետյանն ու Դավիթ Բալասանյանը կալանավորվեցին։ Վարույթն իրականացնող մարմնից չէին մանրամասնել, թե ինչի համար են կալանավորվել պաշտոնյաները։ Քաղաքապետարանում Factor TV-ի աղբյուրները հայտնել էին, որ Արաբկիրի թաղապետարանի պաշտոնյաների վերաբերյալ քրեական վարույթով քննության առարկա են ինքակամ կառույցները չքանդելու համար կաշառքի և շենքերի բարեկարգման համար հատկացվող գումարների յուրացման, փաստաթղթերի կեղծման ենթադրյալ հանգամանքները:
Արփի Հակոբյան
