14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ԿԽՄԿ-ն արձագանքել է Բաքվի բանտում Արցախի ղեկավարների առողջության վատթարացման լուրերին
Հասարակություն
08.08.2024 | 13:39
Մամուլում տեղեկություններ են տարածվել, թե Բաքվի բանտերում պահվող ԼՂ նախկին պաշտոնյաների առողջական վիճակը կտրուկ վատացել է։ Կարմի խաչի միջազգային կոմիտեի պատվիրակության հաղորդակցման ծրագրերի ղեկավար Զառա Ամատունին Factor.am-ին փոխանցեց, որ Բաքվում պահվող հայերի տեսակցության բովանդակության հետ կապված որևէ բան ԿԽՄԿ-ն հանրային հարթակում մեկնաբանել չի կարող։
Վերջին անգամ ԿԽՄԿ ներկայացուցիչները Բաքվում պահվող հայերին, այդ թվում Արցախի ռազմաքաղաքական ղեկավարության ներկայացուցիչներին, այցելել են հուլիսին։
«Մեր պատվիրակների տեսակցությունների շրջանակում յուրաքանչյուր անձի հնարավորություն է տրվում կապ հաստատել իրենց հարազատների հետ։ Սա ստանդարտ աշխատանքների շրջանակներում կատարվող աշխատանքն է, պարբերաբար մենք դա անում ենք»,-ավելացրեց Ամատունին:
