23.01.2026 | 19:50
Իրանում 2 հայկական եկեղեցի է վնասվել․ Արաղչին հայտնել է բողոքի ցույցերի ժամանակ 3,117 զոհի մասին
Պուտինն Անվտանգության խորհրդի հրատապ նիստ է հրավիրել Ուկրաինայի ԶՈՒ-ի կողմից Կուրսկի շրջան ներխուժումից հետո
Քաղաքականություն
07.08.2024 | 15:43
ՌԴ նախագահ Վլադիմիր Պուտինն Անվտանգության խորհրդի չնախատեսված նիստ կանցկացնի, հայտնում է Brief-ը՝ հղում անելով իրավիճակին ծանոթ աղբյուրին։
Անվտանգության խորհրդի անդամների հետ հանդիպումը, որը սովորաբար տեղի է ունենում ուրբաթ օրերին, այս անգամ տեղի կունենա երկու օր շուտ՝ այն բանից հետո, երբ ուկրաինական զինված ուժերը ներխուժեցին Կուրսկի շրջան և, ըստ որոշ տելեգրամ-ալիքների, կարողացավ ամրապնդել դիրքերն ու գրավել մի քանի գյուղ։
Անվտանգության խորհրդի հանդիպումից առաջ, որի մշտական անդամներն են անվտանգային գերատեսչությունների ղեկավարները, խորհրդարանի երկու պալատների ղեկավարները, ինչպես նաև արտաքին գործերի նախարար Սերգեյ Լավրովը, նախկին նախագահ Դմիտրի Մեդվեդևը և ԱԽ քարտուղար Սերգեյ Շոյգուն, Պուտինը հանդիպում կունենա կառավարության անդամների հետ, Brief-ին հայտնել է աղբյուրը։
Ռուսաստանի ՊՆ-ն, որը նախօրեին հայտարարել էր, որ կարողացել է հետ մղել ուկրաինական ուժերին Կուրսկի շրջանից, այսօր խոստովանել է, որ մարտերը տարածաշրջանում շարունակվում են։ Գերատեսչության հաղորդագրության մեջ ասվում է, որ մարտական գործողությունների գոտի են դարձել «ռուս-ուկրաինական սահմանին անմիջապես հարող» տարածքները։
