25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Գուրգեն Արսենյանը վայր է դնում մանդատը․ նա դիմել է ԱԺ նախագահին
Քաղաքականություն
06.08.2024 | 11:37
ԱԺ «Քաղաքացիական պայմանագիր» խմբակցության պատգամավոր Գուրգեն Արսենյանը դիմել է ԱԺ նախագահին՝ խնդրելով դադարեցնել իր՝ 8-րդ գումարման Ազգային ժողովի պատգամավորի լիազորությունները: Այս մասին Factor.am-ին հայտնեց ԱԺ նախագահի օգնական Մովսես Հարությունյանը։
Նշենք, որ մամուլում շրջանառվող տեղեկությունների համաձայն՝ Գուրգեն Արսենյանը նշանակվելու է ՌԴ-ում ՀՀ արտակարգ և լիազոր դեսպան՝ փոխարինելով Վաղարշակ Հարությունյանին:
Ավելի վաղ Factor.am-ի հարցին ի պատասխան ԱԺ նախագահ Ալեն Սիմոնյանը հայտարարել էր, որ Հայաստանը Ռուսաստանում շուտով նոր դեսպան է ունենալու։ Նա ասել էր, որ թեկնածությունն արդեն ներկայացված է, սպասում են նշանակմանը։ «Հուսամ, որ շուտով կունենանք նոր դեսպան», – նշել էր ԱԺ խոսնակը։
Հավելենք, որ Արսենյանը դեռ 2023-ի հոկտեմբերի վերջին հաստատել էր, որ իր թեկնածությունն է ներկայացվել Ռուսաստանում ՀՀ դեսպանի պաշտոնի համար։
Մանյա Պողոսյան
