06.10.2026 | 10:42
Հրանտ-Լեոն Ռանոսն առաջին գոլն է խփել Իսպանիայի Սեգունդայում. ՏԵՍԱՆՅՈՒԹ
Սևանա լճից այս տարի հավելյալ ջրառ չի լինի
06.08.2024 | 11:09
Սևանա լճից այս տարի հավելյալ ջրառ չի լինի, այս մասին Factor.am-ի հարցմանն ի պատասխան հայտնել են ՀՀ տարածքային կառավարման և ենթակառուցվածքների նախարարությունից։
ՏԿԵՆ-ից նշել են, որ այս սեզոնին Սևանա լճից ոռոգման ջրի բացթողումը մեկնարկել է հունիսի 16-ին, ջրառի չափաքանակը սահմանվել է 170.0 մլն խմ-ը:
Գերատեսչությունից նաև տեղեկացրել են, որ հուլիսի 31-ի դրությամբ Սևանա լճի ջրի մակարդակը կազմել է 1900,66 մետր, ինչը 17 սանտիմետրով բարձր է 2023 թվականի նույն ժամանակահատվածի ցուցանիշից:
Հիշեցնենք, որ անցած տարի խորհրդարանն օրենք ընդունեց, որով անհրաժեշտության դեպքում Սևանա լճից լրացուցիչ մինչև 240 մլն խմ ջրառ է իրականացվում։
Բացի 2023 թվականից Սևանից լրացուցիչ ջրառ իրականացվել է նաև 2008, 2012, 2014, 2017, 2018 և 2021 թվականներին։
Մանյա Պողոսյան
