14.07.2026 | 23:29
Հանրապետության որոշ հասցեներում էլեկտրամատակարարումը կդադարեցվի
Իրանի կողմից լինելու է գործողություն, գուցե, ավելի հուժկու և մասշտաբով, քան ապրիլին էր․ Արմեն Պետրոսյան․ ՏԵՍԱՆՅՈՒԹ
Քաղաքականություն
05.08.2024 | 17:30
«Այն գործողությունը, որն իրականացրեց Իսրայելը Թեհրանում՝ ՀԱՄԱՍ շարժման քաղբյուրոյի ղեկավար Իսմայիլ Հանիի սպանությամբ, դա հեղինակության և ռազմավարական առումով ուժեղ հարված էր Իրանին, բնականաբար, դրա պատասխանը լինելու է համարժեք»,- այս մասին Factor TV–ի հետ զրույցում ասաց տարածաշրջանային հարցերով փորձագետ Արմեն Պետրոսյանն՝ անդրադառնալով Մերձավոր Արևելքում տիրող իրավիճակին։
Ըստ Արմեն Պետրոսյանի՝ սակայն, դեռևս հնարավոր չէ կանխատեսել այդ գործողության հնարավոր մասշտաբները, սակայն նրա դիտարկմամբ՝ Իրանի կողմից այդ գործողությունը, գուցե, լինի ավելի հուժկու և մասշտաբով, քան ապրիլին էր։
Փորձագետը հիշեցրեց, որ ապրլինի Իրանի տարածքից պատժիչ գործողություններ էին կատարվել Իսրայելի նկատմամբ՝ հիթիռներ և ԱԹՍ-ներ կիրառելով, բայց լայնամասշտաբ ռազմական բախումներ չեղան Իրանի և ԱՄՆ-ի պայմանավորվածության արդյունքում։ Տարածաշրջանային հարցերով փորձագետը նշեց, որ հիմա նման պայմանավորվածություններ, կարծես թե, չեն նշվարվում։
«Ակնկալվում է, որ Իրանը ոչ միայն իր տարածքից կթիրախավորի ինչպես ապրիլին էր, այլև,գուցե, օգտագործվեն իր հովանավորյալ կամ գործընկեր կառույցների կողմից վերահսկվող տարածքները։ Դա առաջին հերթին, բնականաբար, Լիբանանն է։ Ամենավտանգավոր նոր էսկալացիայի ուղղությունը Լիբանանն է»,- նշեց Արմեն Պետրոսյանը։
Մանրամասները՝ տեսանյութում։
