09.05.2025 | 23:12
Համարում եմ, որ մարիխուանան Հայաստանում պետք է օրինականացնել. Ալեն Սիմոնյան
ԵնթաԴՐՈՒԹՅՈՒՆ. Խորհրդարանը կաջակցի՞ Նիկոլ Փաշինյանին սահմանադրական փոփոխությունների իրականացման հարցում
Քաղաքականություն
05.09.2018 | 20:38
Օգոստոսի 17-ին տեղի ունեցած հանրահավաքի ընթացքում Հայաստանի վարչապետ Նիկոլ Փաշինյանը հայտարարեց սահմանադրական փոփոխություններ նախաձեռնելու մասին՝ առանց վարչապետի հրաժարականի խորհրդարանի լուծարման նոր հնարավորություն ստեղծելու համար: Այժմ խորհրդարանը լուծարելու միակ սահմանադրական ճանապարհը վարչապետի հրաժարականն է: Նիկոլ Փաշինյանը կասկածներ ունի, որ եթե հրաժարական տա, Հանրապետական խմբակցությունը կարող է այլ վարչապետի ընտրել՝ տապալելով խորհրդարանի լուծարումն ու արտահերթ ընտրությունների անցկացումը:
Թեև վարչապետի հայտարարությունն արժանացավ Հանրապետականների քննադատությանը, որոնք արդեն հայտարարում են՝ դեմ են քվեարկելու սահմանադրական փոփոխություններին, այդուհանդերձ վարչապետ Փաշինյանը օրերս տեղեկացրեց, որ սահմանադրական փոփոխությունների փաթեթը պատրաստ է և առաջիկայում կուղարկվի Ազգային ժողով:
Ի վերջո, եթե այդ փաթեթն ուղարկվի խորհրդարան, և վարչապետը պնդի սահմանադրական փոփոխությունների անհրաժեշտությունը, արդյոք այն կստանա ԱԺ պատգամավորների աջակցությունը և կյանքի կկոչվի:
Շողիկ Գալստյան
