24.04.2026 | 13:55
Ադրբեջանի ԱԳՆ-ն «դատապարտել» է Երևանում Թուրքիայի դրոշի այրումը
ԱՄՆ-ն շարունակում է ներգրավված լինել Հայաստան-Ադրբեջան գործընթացում ու աշխատել այդ ուղղությամբ․ Պետդեպ
Քաղաքականություն
30.07.2024 | 10:57
ԱՄՆ-ն շարունակում է ներգրավված լինել Հայաստան-Ադրբեջան գործընթացում։ Այս մասին ճեպազրույցում հայտարարել է ԱՄՆ Պետքարտուղարության խոսնակի գլխավոր տեղակալ Վեդանտ Պատելը։
Հարցին՝ հատուկ խորհրդական Լուիս Բոնոն նոր է վերադարձել տարածաշրջանից, արդյո՞ք կա ներկա փուլում բեկման հույս, Պատելն ասել է, որ չի պատրաստվում ժամանակացույց դնել։
«Սա մի բան է, որով և՛ քարտուղարը, և՛ համակարգող Բոնոն շարունակում են խորապես ներգրավված լինել, բայց ես չունեմ ձեզ համար հատուկ թարմացումներ կամ առաջարկելու ժամանակացույց: Դա մի բան է, որի ուղղությամբ մենք շարունակելու ենք աշխատել»,-նշել է նա։
Անդրադառնալով այսօր տեղի ունենալիք Հայաստանի ու Թուրքիայի հատուկ ներկայացուցիչների հանդիպմանը՝ Պատելը կրկին ասել է, որ «դա այն բանն է, որի վրա քարտուղարը կենտրոնացած է, և շարունակելու են խորապես ներգրավված լինել»։
